Англия Премьер Лигасининг 3-турида доирасида “Манчестер Сити” “Вест Ҳэм”ни 3:1 ҳисобида мағлуб этди.
Учрашувда “шаҳарликлар” ҳужумчиси Эрлинг Ҳоланд ҳет-трик қайд этди. Шу тариқа норвегиялик футболчи АПЛдаги ҳет-триклари сонини 8 тага етказди. Бу учун Ҳоландга 2 йил етарли бўлди.
Эрлинг бу борада Терри Анри, Ҳарри Кейн ва Майкл Оуэнга (8 тадан) етиб олди. Фақатгина уч футболчи — Серхио Агуэро (12), Алан Ширер (11) ва Робби Фаулер (9) ундан олдинда.
“Манчестер Сити” 2024/25 йилги мавсумнинг дастлабки 3 ўйинида 3 та ғалаба қозониб, мусобақа жадвалида етакчилик қилмоқда.
Изоҳ (0)