Кўпчилик Голливуд юлдузларининг асл исми мутлақо бошқача эканлигини билмайди. Шоу-бизнесда ўз ўрнига эга бўлиш ва барчадан ажралиб туриш учун баъзи санъаткорлар ўз исмини эсда қоларлироқ бошқа ном ёки махсус тахаллусга ўзгартиришга қарор қилади.
Мерилин Монро — Норма Жин Мортенсон
Гўзаллик тимсоли бўлган Мерилин Монронинг асл исми Норма Жин Мортенсон эди. У актриса сифатида танилганида оддий исмини янада жозибали ном билан алмаштиришга қарор қилди. “Монро” эса бувисининг фамилияси бўлган.
Элтон Жон — Реджиналт Кеннет Дуайт
Британиялик машҳур мусиқачи Реджиналт Дуайт саҳна учун эсда қоларли номни яратишга ҳаракат қилган. У “Элтон” исмини собиқ гуруҳдоши Элтон Дин сабабли “Жон”ни эса севимли ижрочиларидан бири Жон Балдри шарафига танланди.
Леди Гага — Стефани Жоанн Анжелина Жерманотта
Хонанда Леди Гаганинг ҳақиқий исми жуда узун бўлгани ва унинг ижодкорлик қобилиятини тўлиқ намоён қилмагани боис ўзига янги тахаллус ўйлаб топган. Хонанда санъат оламида оригинал қўшиқчи бўлишини истаб, Queen гуруҳининг “Радио Га Га” қўшиғидан илҳомланиб тахаллус танлаган.
Вупи Голдберг — Керин Элейн Жонсон
Таниқли актриса ва комедия устаси Вупи Голдбергнинг асл исми Керен Элейн Жонсон. Вупи номи “Whoopee Sushion” — кулгили овоз чиқарувчи ёстиқча) сўзидан олинган. Ёшлигида у жуда шўх ва ҳазилкаш бўлгани учун дўстлари унга шу лақабни қўйишган. “Голдберг” эса унинг оилавий илдизлари билан боғлиқ бўлиб, онаси унга саҳна исми янада жиддийроқ ва эътиборга молик бўлиши учун Голдберг фамилиясини танлашни маслаҳат берган.
Бруно Марс — Питер Жен Эрнандез
Машҳур қўшиқчи Бруно ўзига ноодатий тахаллус танлаган. “Бруно” исмини хонандага отаси қўйган бўлиб, у ўғлини машҳур курашчи Бруно Саммартинога ўхшашини истаган.
Бруно Марс мусиқий карьерасини бошлаганида, унинг “Эрнандез” фамилияси фақат лотин-америкалик санъаткорлар тоифасидан жой олишини сезган. Ўзини дунё саҳнасида кўра олган хонанда “мен ғайриоддийман, гўёки бошқа сайёраданман” деган маънода “Марс” тахаллусини танлаган.
Изоҳ (0)