Мадриднинг “Реал” клуби дарвозабони Андрий Лунин фаолиятини Англия Премьер лигасида давом эттириши мумкин. Бу ҳақида Тодофичажес нашри хабар бермоқда.
Манбада ёзилишича, шахсан “шаҳарликлар” устози Пеп Гвардиола украиналик посбонни ўз таркибида кўрмоқчи. Испаниялик мутахассис ёзда клубни тарк этиши мумкин бўлган дарвозабон Эдерсонга муносиб ўринбосар қидирмоқда. Сабаби Пеп жамоанинг иккинчи дарвозабони Стефан Ортеганинг жисмоний ҳолатидан хавотирда.
Ҳозирча “Сити” раҳбарияти аниқ таклиф билан чиққани йўқ, лекин Лунинга оид маълумотларни Мадрид клубидан сўрагани айтилмоқда.
Андрий Луниннинг “қаймоқранглилар” билан амалдаги шартномаси 2030 йилгача амал қилади. Унинг трансфер нархи эса 30 миллион евро этиб белгиланган.
Дарвозабон жорий мавсум клуб сафида 5 та учрашувда майдонга тушиб, 1 ассист муаллифига айланган.
Изоҳ (0)