Madridning “Real” klubi darvozaboni Andriy Lunin faoliyatini Angliya Premyer ligasida davom ettirishi mumkin. Bu haqida Todofichajes nashri xabar bermoqda.
Manbada yozilishicha, shaxsan “shaharliklar” ustozi Pep Gvardiola ukrainalik posbonni o‘z tarkibida ko‘rmoqchi. Ispaniyalik mutaxassis yozda klubni tark etishi mumkin bo‘lgan darvozabon Edersonga munosib o‘rinbosar qidirmoqda. Sababi Pep jamoaning ikkinchi darvozaboni Stefan Orteganing jismoniy holatidan xavotirda.
Hozircha “Siti” rahbariyati aniq taklif bilan chiqqani yo‘q, lekin Luninga oid ma’lumotlarni Madrid klubidan so‘ragani aytilmoqda.
Andriy Luninning “qaymoqranglilar” bilan amaldagi shartnomasi 2030-yilgacha amal qiladi. Uning transfer narxi esa 30 million yevro etib belgilangan.
Darvozabon joriy mavsum klub safida 5 ta uchrashuvda maydonga tushib, 1 assist muallifiga aylangan.
Izoh (0)