Саудия Арабистони клублари “Реал Мадрид” ва Бразилия терма жамоаси вингери Винисиус Жуниорга 1 млрд евро тўлайди. Бу ҳақда Relevo хабар бермоқда.
Нега 1 млрд евро?
Саудияликлар Винисиус учун “Реал Мадрид”га 350 млн евро тўлашга тайёр. Футболчининг ўзига эса 5 йилга 1 млрд евро берилади.
Саудия Арабистони 2034 йилги Жаҳон Чемпионатига мезбонлик қилиш ҳуқуқуни қўлга киритгач, мамлакат раҳбарияти футболга сармояни яна-да оширишга тайёр.
"Реал Мадрид" ва Анчелоттининг муносабати
Мадриднинг “Реал” клуби матбуотда пайдо бўлган шов-шувлардан хабардор, лекин ваҳимага тушмаяпти. Сабаби Винисиуснинг “Реал” билан шартномаси 2027 йилгача амал қилади ва унда 1 миллиард евро миқдорида товон пули белгиланган.
“Қироллик клуби” футболчини сотиш ниятида эмас ва келажакда шартномани қачон узайтиришни ўзи ҳал қилади.
Жамоа бош мураббийи Карло Анчелотти ҳам бу каби гап-сўзларга изоҳ берганди.
“Бу саволни Винисиуснинг ўзига беришингиз керак. Мен фақат кўрганимни айта оламан: у жамоада бахтли, бу ерда тарих яратмоқда ва “Реал” қолишни истайди”, — деган италиялик мутахассис.
Маълумот учун, жорий мавсумда Винисиус 32 та учрашувда майдонга тушиб, 16 та гол урди ва 12 та голли узатма муаллифи бўлди.
Изоҳ (0)