Италиянинг “Комо” клуби устози Сеск Фабрегас “Манчестер Сити” бош мураббийига айланиши мумкин. Бу ҳақида Onefootball нашри хабар бермоқда.
“Шаҳарликлар” раҳбарияти жамоанинг жорий мавсумдаги муваффақиятсиз иштироки фонида Пеп Гвардиолани ишдан бўшатиш ҳақида ўйламоқда. Айни пайтда Манчестер клуби 26 учрашувдан сўнг 44 очко билан АПЛ турнир жадвалида 5-ўринни эгаллаб турибди.
Клуб, шунингдек, “Реал Мадрид”га икки ўйин натижасига кўра 3:6 ҳисобида мағлубиятга учради ва Чемпионлар Лигасидаги юришини ҳам якунлади. Шу боис, раҳбарият Гвардиолани истеъфога чиқармоқчи, дея қўшимча қилмоқда манба.
Ҳозирча испаниялик мураббий Сеск Фабрегас “Сити”ни бошқариш учун ягона номзод сифатида кўриб чиқилмоқда. Мутахассисга “шаҳарликлар”дан ташқари “Интер” ва “Милан” ҳам қизиқиш билдирмоқда.
Сеск Фабрегас қўл остида “Комо” 26-турдан кейин 28 очко билан А Серияда 13-ўринни эгаллаб турибди. Унинг жамоа билан шартномаси 2028 йилгача амал қилади.
Изоҳ (0)