ЕЧЛ. “Реал” сафарда “Лейпциг”ни мағлуб этди, “Манчестер Сити” эса “Копенгаген” устидан ишончли ғалабага эришди (видео)

Футбол бўйича Европа Чемпионлар Лигасининг нимчорак финалидан ўрин олган икки ўйин 13 февраль, сешанба куни бўлиб ўтди.

“Манчестер Сити” сафарда “Копенгаген”га қарши баҳс олиб борди. Учрашувнинг 10-дақиқасида Кевин де Брюйне ажойиб зарба билан гол уриб, жамоасини ҳисобда олдинга олиб чиқди. 34-дақиқада Маттссон мувозанатни тиклашга муваффақ бўлди. Биринчи бўлим охирида Бернарду Сильва “шаҳарликлар”нинг иккинчи голига муаллифлик қилди.

Иккинчи бўлим сўнгида эса Фоден дарвозани ишғол қилиб, учрашувга якуний нуқтани қўйди. Шу тариқа Пеп Гвардиола ишончли ғалабага эришди.

“Реал” эса “Лейпциг” меҳмони бўлди ва 1:0 ҳисобида кичик ғалабани расмийлаштирди. 48-дақиқада Браим Диас томонидан урилган гол ўйинда ягоналигини сақлаб қолди.

ЕЧЛ

1/8 финал

13 февраль, сешанба

“Копенгаген” – “Манчестер Сити” 1:3

Голлар: 0:1 – 10 де Брюйне, 1:1 – 34 Маттссон, 1:2 – 45 Бернарду Сильва, 1:3 – 90 Фоден.

“Копенгаген”: Грабара, Элерт, Вавро, Маккенна, Дикс, Фалк, Диогу Гонсалвеш (Ҳейлунд, 70), Матцсон (Ларссон, 81), Элюнусси, Классон (Корнелиус, 55), Ашури (Соренсен, 81).

“Манчестер Сити”: Эдерсон, Уокер, Стоунз, Рубен Диаш, Аке, де Брюйне, Грилиш (Доку, 21), Бернарду Сильва (Матеуш Нунеш, 78), Родри, Фоден, Ҳоланд.

Огоҳлантиришлар: Фалк (71), Дикс (74), Нееструп (84).

“Лейпциг” – “Реал” 0:1

Гол: 0:1 – 48 Браим Диас.

“Лейпциг”: Гулачи, Симакан, Орбан, Клостерманн, Раум, Ҳенрихс (Айдара, 75), Шлагер (Кампл, 90), Олмо (Элмаз, 76), Симонс, Openда (Поулсен, 75), Шешко.

“Реал Мадрид”: Лунин, Карвахаль, Начо, Тчуамени, Менди, Кроос, Вальверде, Браим Диас (Васкес, 84), Камавинга, Винисиус Жуниор, Родриго (Хоселу, 84).

Огоҳлантиришлар: Розе (45), Симакан (53), Карвахаль (66), Поулсен (77), Винисиус Жуниор (85), Шешко (85).