“Реал” футболчиси Лука Модрич фаолиятини Саудия Арабистони чемпионатида давом эттириши мумкин. Бу ҳақида Тоdofichajes нашри хабар бермоқда.
Манбага кўра, хорватиялик футболчига “Ан-Насср” ва “Ал-Иттиҳод” жамоалари жиддий қизиқиш билдирмоқда. Модричнинг “Реал”даги собиқ жамоадошлари Криштиану Роналду ва Карим Бензема ўйнайдиган ҳар икки клуб ҳам футболчига 100 миллион евро ишлаб топиши мумкин бўлган 2 йиллик шартнома таклиф қилмоқда.
Лука эса фаолиятини Осиёда давом эттиришга шошилмаяпти, боиси, “қироллик клуби” у билан яна бир йиллик битим имзолашга ҳаракат қилмоқда. Агар келишув амалга ошса, 39 ёшли футболчи 2026 йилнинг ёзига қадар Мадрид жамоаси сафида ҳаракат қилади.
Маълумот ўрнида, Модрич ушбу мавсум 23 та учрашувда майдонга тушиб, 2 та гол ва 2 та голли узатмага муаллифлик қилган. Унинг клуб билан шартномаси шу йилнинг ёзига қадар амал қилади.
Изоҳ (0)