Мадриднинг “Реал” клуби дарвозабони Андрей Лунин Саудия Арабистони чемпионати клубига ўтиш таклифини рад этди, деб хабар бермоқда Bernabeu Digital..
Аввалроқ инсайдер Руди Галетти томонидан 25 ёшли украиналик дарвозабон Саудия Арабистони клубидан таклиф олгани ҳақида айтиб ўтган эди. Лунин бу трансфер таклифини рад этди, чунки дарвозабон ҳали ҳам Европанинг топ жамоаларида ўйнашни мақсад қилган.
Украиналик футболчининг “Реал”даги кейинги тақдири борасида ҳали қарор қабул қилинмаган. Мадрид клуби у билан шартномани узайтириш тарафдори, ҳаммаси унинг ўзига боғлиқ. Яъни, Лунинда учта йўл бор: “Реал” билан шартномасини 2029 йилгача узайтириши мумкин; шартнома сўнггигача клубда қолиши ёки шу трансфер ойнасида клубни тарк этиши мумкин.
Маълумот учун, ўтган мавсумда Андрей Лунин “Реал” сафида 31 та ўйин, 32 та гол ўтказиб юборган ва 12 та ўйинда ўз дарвозаси дахлсизлигини сақлаб қолган.
Изоҳ (0)