Футбол бўйича Европа Чемпионлар Лигасининг нимчорак финалидан ўрин олган икки ўйин 6 март, чоршанба куни бўлиб ўтди.
“Реал” жавоб ўйинида “Лейпциг”га қарши баҳс олиб борди. Биринчи бўлимда дарвозалар дахлсизлиги сақланиб қолди. Иккинчи бўлимда эса мадридликлар ҳисобни очди. 65-дақиқада Беллингҳемнинг узатмасини Винисиус Жуниор голга айлантирди. Орадан 3 дақиқа ўтиб, Вилли Орбан ҳисобни тенглаштиришга муваффақ бўлди. Қолган дақиқаларда дарвозалар ишғол этилмади ва икки ўйин натижасига кўра Карло Анчелотти шогирдлари кейинги босқичга йўл олди.
Германияда бўлиб ўтган ўйинда “қаймоқранглилар” 1:0 ҳисобида зафар қучганди.
“Манчестер Сити” “Копенгаген”ни қабул қилди ва 3:1 ҳисобида ғалаба қозонди. “Шаҳарликлар” сафида Мануэл Аканжи, Хулиан Алварес ҳамда Эрлинг Ҳоланд гол муаллифларига айланган бўлса, Дания жамоаси таркибида Элюнусси ўз номини таблога ёздириб қўйди.
Жамоалар ўртасидаги дастлабки ўйинда ҳам Пеп Гвардиола шогирдларининг қўли баланд келганди. Данияда бўлиб ўтган ўйинда ҳам 3:1 ҳисоби қайд этилган.
ЕЧЛ
1/8 финал
6 март, чоршанба
“Реал” – “Лейпциг” 1:1
Голлар: 1:0 – 65 Винисиус Жуниор, 1:1 – 68 Орбан.
“Реал Мадрид”: Лунин, Карвахаль, Начо, Рюдигер, Менди, Кроос (Модрич, 78), Тчуамени, Камавинга (Родриго, 46), Вальверде, Беллингҳем (Хоселу, 85), Винисиус Жуниор.
“Лейпциг”: Гулачи, Хенрихс, Орбан, Лукеба, Раум, Шлагер (Элмаз, 85), Олмо, Айдара, Симонс, Openда (Поулсен, 77), Шешко (Баумгартнер, 85).
Огоҳлантиришлар: Шлагер (20), Раум (50), Винисиус Жуниор (54), Орбан (71), Тчуамени (73), Кроос (75).
“Манчестер Сити” – “Копенгаген” 3:1
Голлар:1:0 – 5 Аканжи, 2:0 – 9 Алварес, 2:1 – 29 Элюнусси, 3:1 – 45 Ҳоланд.
“Манчестер Сити”: Эдерсон, Льюис, Рубен Диаш (Стоунз, 68), Аканжи, Гвардиол, Ковачич, Родри (Серхио Гомес, 46), Матеуш Нунеш (Ҳемилтон, 74), Бобб, Ҳоланд, Алварес.
“Копенгаген”: Грабара, Анкерсен, Вавро, Маккенна, Дикс, Елерт (Мелинг, 78), Элюнусси, Ашури (Бардегжи, 58), Клем (Ҳейлунд, 69), Фроҳолдт (Матссон, 58), Оускарссон (Корнелиус, 69).
Огоҳлантириш: Корнелиус (84).
Изоҳ (0)