Мадриднинг “Реал” клуби ҳужумчиси Килиан Мбаппе Испания Кубоги 1/2 финал босқичи доирасидаги “Реал Сосейдад”га қарши ўйин қайдномасига киритилмади.
АС нашрига кўра, франциялик футболчига тишидаги тошларини олиб ташлаш учун операция столига ётқизилган ва у ҳали ҳам кучли оғриқ ҳис қилмоқда. Шу боис, мураббийлар штаби уни қайдномага киритмади.
Аввалроқ “қироллик клуби” устози Карло Анчелотти Мбаппенинг Сан-Себастьянга боришини маълум қилганди.
“Килиан билан ҳаммаси жойида. У “Реал Сосейдад”га қарши баҳсга 100 фоиз тайёр”, дея Анчелоттининг сўзларини келтиради журналист Фабрицио Романо.
“Реал” — “Реал Сосейдад” ўртасидаги баҳс 26 февралдан 27 февралга ўтар кечаси соат 01:30 да бошланади.
Ярим финалнинг яна бир учрашуви кеча ўтказилди. Унда “Барселона” “Атлетико” билан 4:4 ҳисобидаги дурангга имзо чекди.
Изоҳ (0)