Футбол бўйича Испания чемпионатининг 21-турида “Барселона” “Валенсия”га қарши тўп сурди.
Барселонадаги “Олимпик Льюис Компанис” стадионида бўлиб ўтган учрашувда “Барса” “Валенсия”ни 7:1 ҳисобида тор-мор келтириб, XXI асрда самарадорлик бўйича рекорд ўрнатди.
Ҳанс-Дитер Флик бошчилигидаги каталонияликлар жорий мавсумда 100 дан ортиқ гол уришни уддалади. Бунга “Барселона” 32 та ўйинда эришди.
Фақатгина Эленио Эррера жамоаси 1958/1959 йилги мавсумда 100 та голни ундан тезроқ — 31 ўйинда уришга муваффақ бўлган.
Ўтказилган 21 ўйиндан сўнг “Барселона” 42 очко билан Ла Лига турнир жадвалида 3-ўринда бормоқда. Жамоанинг азалий рақиби Мадриднинг “Реал” клуби эса 49 очко билан турнир жадвалида етакчилик қилмоқда. 45 очко билан Атлетико 2-ўринни банд этган.
“Барселона” Ла Лига доирасидаги кейинги ўйинини 2 февраль куни ўз уйида “Алавес”га қарши ўтказади.
Изоҳ (0)