“Барселона” ҳужумчиси Ламин Ямал клуб раҳбариятининг трансфер режаларидан норози. Бу ҳақда Эл Наcионал нашри хабар бермоқда.
Манбага кўра, “кўк-анорранглилар” раҳбарияти франциялик ҳимоячи Кунде ўйнаётган ўнг қанот ҳимоячиси позициясини кучайтиришни режалаштирмоқда. Ямал эса “Барселона”га бу позицияга янги футболчи керак эмас деб ҳисоблайди, чунки унга франциялик ҳимоячи билан бир қанотда ўйнаш ёқади.
Маълумот учун, жорий мавсумда Ямал “Барселона” сафида барча мусобақаларни қўшиб ҳисоблаганда 31 та ўйинда майдонга тушди. Унинг ҳисобида 11 та гол ва 15 та голли узатма мавжуд. Футболчининг клуб билан амалдаги шартномаси 2026 йилнинг ёзигача давом этади. Transfermarkt интернет-портали маълумотларига кўра, унинг бозор қиймати 180 миллион еврога тенг.
17 ёшли Ямал “Барселона” клуби асосий таркибида 2023 йилдан бери ўйнамоқда.
Аввалроқ “Барселона” Кубарси билан шартномани узайтиргани ҳақида хабар берилганди.
Изоҳ (0)