Испания Ла Лигаси “Барселона” ярим ҳимоячи Дани Ольмо ва ҳужумчи Пау Викторни рўйхатдан ўтказиш учун ечим топа олмагани ҳақида расман тасдиқлади.
“Барселона” 2025 йил 2 январдан бошлаб барча футболчиларни молиявий назорат қоидаларига мувофиқ рўйхатдан ўтказишга имкон берадиган альтернативларни тақдим этмади”, дейилади Ла Лиганинг расмий сайтида чоп этилган баёнотда.
Аввалроқ “Барселона” Дани Ольмо ва Пау Виктор учун янги лицензия олиш мақсадида Испания Футбол Федерациясига (RFEF) мурожаат қилгани хабар қилинган эди.
Дани Ольмо ўтган ёзда “РБ Лейпциг”дан “Барселона”га келиб қўшилган эди. Каталония клуби уни 2024 йил охиригача рўйхатдан ўтказишга муваффақ бўлди. Шунингдек, “Жирона”дан келган Пау Виктор ҳам йил сўнггигача рўйхатдан ўтказилган. Дани Ольмо “Барселона” сафида ўтган олти ой давомида барча турнирларда 15 та ўйин ўтказиб, 6 та гол урди ва 1 та голли узатма амалга оширди.
Изоҳ (0)