“Сантос” ҳужумчиси Неймар ёзда “Барселона”га қайтиши мумкин. Бу ҳақида The Athletic нашри хабарига бермоқда.
Манбага кўра, 33 ёшли бразилиялик футболчи ва “Барселона” раҳбарияти трансфер масаласини муҳокама қилмоқда. Якуний қарор қабул қилинмаган, аммо бу трансфер катта эҳтимол билан амалга ошиши мумкин.
Неймарнинг “Сантос” билан шартномаси 2025 йил июнь ойида якунига етади. Испан клуби эса уни эркин агент сифатида қўлга киритишни истамоқда. Неймарнинг ўзи ҳам 2026 йилги Жаҳон Чемпионати олдидан кучлироқ чемпионатга ўтиб, мундиалга тайёргарлик кўриш ва янгиланган “Камп Ноу”да ўйнашни истаётгани айтилмоқда.
Эслатиб ўтамиз, Неймар “Сантос”га қайтганидан сўнг, 6 та ўйинда 2 та гол уриб, 3 та голли узатма амалга оширди. У 2017 йилда 222 миллион евро “Барселона”дан “ПСЖ”га трансфер қилинган эди.
Изоҳ (0)