Ўзбекистонлик футболчи Лазизбек Мирзаев Испания клубига кўчиб ўтган эди. Кўпчиликда Мирзаев “Леганес Б” жамоасига ўтгани ҳақида фикрлар пайдо бўлмоқда. “Championat” нашри футболчининг ҳуқуқини ҳимоя қилувчи “Football Group” агентлиги билан суҳбатлашиб, ҳолатни аниқлаштирди.
“Лазизбек Мирзаев Испаниянинг ”Леганес“ клуби билан шартнома тузган. Шартномада ”Леганес Б“, ”Леганес C“ деган нарсалар йўқ, футболчи ”Леганес“ клубига тегишли. 18 ёшли футболчи дастлабки ойларни ”Леганес"нинг U-19 жамоаси таркибида ўтказади. Бу ёш футболчиларнинг клубга мослашиши учун жуда ҳам зарур. Мирзаев 18 ёшида дарҳол Ла Лигада ўйнаб кетмаслигини кўпчилик яхши тушуниб турибди. Клуб мураббийлари жамоага келган бразилиялик ёки аргентиналик футболчиларни ҳам дастлаб ёшлар жамоаларида майдонга туширади, шундан кейин асосий жамоага қўшади.
“Леганес Б” Испания тўртинчи лигасида иштирок этади ва бу унинг савияси “Леганес” U-19 дан пастроқ. Сабаби U-19 жамоаси “Реал”, “Барселона” ва “Атлетико” каби клубларнинг U-19 жамоаларига қарши ўйнайди. Яъни савия 4-лигадан анча баланд. Бундан ташқари Мирзаев Ўзбекистон U-20 терма жамоаси сафида Осиё Кубогида иштирок этиши керак. Шу сабаб ҳам футболчи ҳар ҳафта тўлақонли ўйин амалиётига эга бўлиши жуда ҳам зарур”, деб жавоб берган “Football Group” агентлиги ходими.
Маълумот учун, Лазизбек Мирзаев Тошкентнинг “Локомотив” клуби тарбияланувчиси ҳисобланади.
“Леганес” клуби Ла Лиганинг 17-турида “Барселона” клубига қарши майдонга тушиб, 0:1 ҳисобида ғалабага эришди. Ушбу ғалабадан сўнг жамоа ўз ҳисобидаги очколар сонини 18 тага етказиб олиб, Ла Лиганинг 15-ўрнида бормоқда.
“Леганес Б” клуби Tercera Federaton деб номланган чемпионатда иштирок этади. Бу Испания футбол лигаси тизимининг бешинчи босқичидир.
Изоҳ (0)