Футболчи Лионель Месси ва унинг рафиқаси Антонелла Ракуцсонинг севги қиссаси романтик мелодрама учун сценарий бўлади олади, Мессининг рафиқасига садоқати эса бир неча йиллардан бери тилларда достон.
Лионель ва Антонелла бир-бирини болаликдан билишади. Антонелла бўлажак футбол юлдузининг энг яқин дўстининг амакиваччаси эди. Месси Европага “Барселона” таркибида ўйнаш учун кетганида уларнинг йўллари бир муддат айрилади. Антонелла Аргентинада қолганида ҳам улар телефон орқали гаплашиб туришади.
2005 йилга келиб уларнинг муносабатларида ҳаммаси ўзгаради. Ўшанда Рокуцсо энг яқин дугонасини автоҳалокат оқибатида йўқотади. Месси ҳамма ишини йиғиштириб, Антонеллага далда бўлиш учун етиб келади.
Жуфтликнинг орасидаги муносабатлар ўшанда янада яқинлашади. Антонелла қийин вазиятда қўллаб-қувватлагани учун Мессини янада қадрлай бошлайди.
Бироқ жуфтлик ўз муносабатларини яна бир неча йил оммадан сир тутади. Уларнинг севишган жуфтлик эканлиги ҳақидаги маълумотлар фақатгина 2009 йилга келиб пайдо бўлади. 2012 йилда Месси ва Антонелла оиласида ўғил фарзанд — Тяго дунёга келади. 2015 йилда эса улар яна бир ўғилнинг ота-онасига айланади ва унга Матео деб исм қўйишади. 2018 йилнинг март ойида жуфтлик Чиро исмли яна бир ўғил фарзандли бўлганини эълон қилди.
Месси 2017 йилнинг 30 июнида ўғилларининг онасига расман уйланади. Никоҳ тўйи жуфтликнинг ватани Аргентинада ўтказилади. Уларнинг тўйи ОАВда “Аср тўйи” дея эътироф этилади. Месси ва Антонелланинг бахт кечасида 260 киши, хусусан Луис Суарес, Жерар Пике ва Шакира ҳам иштирок этади.
Месси рафиқасига шу қадар садоқатлики, у бир неча йилдан бери бегона аёлларга ҳатто қўлини ҳам теккизмайди. У фақат ўз рафиқасигагина қўл теккизиши мумкин деб ҳисоблайди.
Месси бутун дунёда миллионлаб мухлисалари борлигига қарамай ўз принципларига содиқ қолмоқда. Кунлардан бирида бразилиялик фитнесс-модел Сюзи Кортес ўз танасида Мессининг сурати акс этган татуировкани чиздиради ҳамда уни футболчи жўнатади. Бироқ Месси уни блоклаб қўяди.
Мессининг мухлислари унинг бошқа аёллар билан тушган суратларида ғалати туришини пайқаган. Бундай суратларда футболчи одатда қўлини ёки чўнтагига солади ёки шунчаки қўлларини тушириб туради.
Маълум қилинишича, футболчи суратларининг ОАВ томонидан нотўғри талқин қилинишидан тийилади ёки турли гап-сўзлар тарқалишининг олдини олиш мақсадида ўзини шундай тутади.
Ҳаттоки футболчининг оилавий дўсти Шакира билан тушган суратида ҳам у масофа сақлаганини кўриш мумкин.
Изоҳ (0)