Аргентина терма жамоаси ва АҚШнинг “Интер Майами” клуби ҳужумчиси Лионель Месси “Барселона”га қайтиши мумкин. Бу ҳақда журналист Алекс Кандал ўзининг ижтимоий тармоқдаги саҳифалари орқали хабар берди.
Манбага кўра, 37 ёшли футболчи фаолиятини якунлашдан олдин янгиланган “Камп Ноу”да ўйнашни истамоқда. Шунингдек, каталонияликлар ҳам Мессининг қайтиши бўйича вариантларни кўриб чиқишни бошлаган. Ҳужумчи 2025 йил охирида MLS’да мавсум якунлангач, “Барселона”га қайтишни мўлжалламоқда.
Месси 2023 йилдан бери “Интер Майами” сафида тўп тепмоқда. Унинг клуб билан шартномаси 2025 йил декабрига қадар амал қилади.
Аргентиналик ҳужумчи 2004–2021 йиллар давомида “Барселона” шарафини ҳимоя қилган. Футболчи Каталония клуби сафида 778 та ўйинда майдонга тушиб, 672 та гол урган ва 303 та голли узатмани амалга оширган.
Маълумот ўрнида, Лео жорий мавсум MLS’нинг 1-тур учрашувида майдонга тушди ва 2 та голли узатма муаллифига айланди. “Интер Майами” эса дастлабки турдан сўнг 1 очко билан 7-ўриндан жой олди.
Изоҳ (0)