“Barselona” yozgi transfer oynasida xaridlarni amalga oshira olmasligi mumkin. Bu haqida Relevo nashriga tayanib Eurofootball xabar bermoqda.
Kataloniya klubi ko‘plab yulduz futbolchilarga da’vogar sifatida tilga olinmoqda. Manbaning xabariga ko‘ra, yaqin orada katta transferlarni amalga oshirishga ularda imkon yo‘q. Sababi “Barselona” yangi futbolchilarni sotib olish uchun yetarli mablag‘ga ega emas. Klub qimmat futbolchilaridan biri bilan xayrlashsagina moliyaviy vaziyat o‘zgarishi mumkin.
“Ko‘k-anorranglilar” qishki transfer oynasida hech kimni sotib olmadi, lekin Vitor Rokeni sotishga muvaffaq bo‘ldi. “Palmeyras” braziliyalik hujumchi uchun 25 million yevrodan ortiq mablag‘ to‘ladi.
Hozirda Xans-Diter Flik boshchiligidagi jamoa 26-turdan keyin 57 ochko bilan La Liga turnir jadvalida yetakchilik qilmoqda. Klubning eng yaqin ta’qibchilari “Atletiko”da 56, “Real”da esa 54 ochko mavjud.
Izoh (0)