Испания терма жамоаси ва “Барселона” клубининг собиқ футболчиси Андрес Инеста ўзининг энг севимли беш футболчисини санади.
Sportskeedа нашрининг хабарига кўра, собиқ ярим ҳимоячи Хосеп Гвардиола, Хави, Давид Сильва, Санти Касорла ва Микаэл Лаудрупни танлаган. Инеста футболчилар орасига Мессини қўшмаган. Аргентиналик футболчи Инеста билан кўп йиллар давомида “Барселона”да биргаликда фаолият юритган.
Маълумот учун, Андрес Инеста 1996 йилдан 2018 йилгача “Барселона” тизимида бўлди. Бу давр мобайнида у асосий жамоа сафида 674 та ўйинда майдонга тушиб, 57 та гол ва 136 та голли узатмага муаллифлик қилди. Шунингдек, Инеста Япония клуби “Виссел Кобе”да ҳам тўп сурди ва у ерда барча мусобақаларни қўшиб ҳисоблаганда, 134 та ўйин ўтказиб, 26 та гол урди ҳамда 25 та голли узатмани амалга оширди. Унинг сўнгги клуби БААнинг “Emirates” жамоаси бўлиб, у ерда 23 та ўйинда майдонга тушиб, беш марта рақиб дарвозасини ишғол қилди.
Испания терма жамоаси таркибида Инеста икки марта Европа чемпиони бўлган ва Жаҳон чемпионатида ғалаба қозонган.
Изоҳ (0)