“ЦСКА” ҳамда Ўзбекистон терма жамоаси футболчиси Аббосбек Файзуллаев севимли футболчиси, терма жамоа ва фаолиятини давом эттиришни орзу қиладиган клуб ҳақидаги саволларга жавоб берди.
— Сизнингча, футбол тарихидаги энг яхши футболчи ким?
— Месси.
— Ҳозирги пайтдаги энг яхши футболчи ким?
— Ламин Ямал.
— Қайси клубда ўйнашни орзу қиласиз?
— “Барселона”
— Дунёдаги энг яхши чемпионат қайси?
— АПЛ ва Ла Лига.
— Агар футбол билан шуғулланманингизда қандай соҳада фаолият юритар эдингиз?
— Барибир футболда бўлардим (кулиб).
Бундан ташқари, футболчи дунёдаги энг яхши стадион сифатида “Камп Ноу”, “ЦСКА” клуби майдони ва “Пахтакор” ўйингоҳини эътироф этган.
Маълумот учун, Файзуллаев 2023 йилнинг август ойидан бери “ЦСКА” сафида тўп суради. Жорий мавсумда у клуб учун барча мусобақаларда 23 та ўйинда майдонга тушиб, 3 та гол урди ва 6 та ассист амалга оширди. Ўзбекистон миллий жамоаси футболчисининг россиялик клуб билан амалдаги шартномаси 2026 йил ёзигача тузилган.
Transfermarkt интернет порталида келтирилган маълумотга кўра, футболчининг бозор қиймати 8 миллион еврони ташкил қилади. У бу борада Ўзбекистонда иккинчи ўринда туради.
Маълумот учун, Аббосбек Файзуллаев 2024 йилда Ўзбекистоннинг энг яхши футболчиси деб топилди.
Изоҳ (0)