“Барселона” “Милан” ҳужумчиси Рафаэл Леау билан шартнома имзолаш имкониятини ўрганиб чиқмоқда. Бу ҳақда инсайдер Николо Скира ижтимоий тармоқдаги саҳифаси орқали хабар берди.

“Барселона” 25 ёшли португалиялик футболчи ҳақида Италия клубидан маълумот сўраган, аммо ҳозирча расмий музокаралар ёки трансфер бўйича таклиф билан чиқмаган.
Январь ойидаги трансфер мавсумида Леау Саудиядан келган жуда катта таклифни рад этган эди. “Ал-Ҳилол” унга бир мавсум учун 20 миллион евро маош бермоқчи эканлигини маълум қилди. Аммо футболчи ҳали Европада қолмоқчи эканлигини айтиб, бу таклифни қабул қилмаган.
Унинг “Милан” билан шартномаси 2028 йилгача давом этади ва йилига 7 миллион евро маош олади. Шартномада унинг товон пули 175 миллион евро этиб белгиланган.
Футболчи жорий мавсум А Серияда 23 та ўйинда майдонга тушиб, 5 та гол ва 5 та голли узатма қайд этди. Чемпионлар Лигасида эса 10 та учрашувда 3 та гол уриб, 2 та ассистни амалга оширган.
Изоҳ (0)