Футбол бўйича Паулиста чемпионатининг 12-турида “Интер Limeйра” “Сантос” билан тўқнаш келди. Учрашувда меҳмонлар йирик ҳисобда ғалаба қозонди.
Бразилиялик ҳужумчи Неймар “Сантос” сафида бурчак тўпидан тўғридан-тўғри гол урди ва жамоаси ғалабасига ҳисса қўшди.
33 ёшли футболчи учрашувнинг 27-дақиқасида ҳисобни очди. Шунингдек урилган иккита голга узатма берди ва ўйиннинг энг яхши ўйинчиси бўлди.
Профессионал футболчилик фаолияти давомида Неймар “Сантос”, “Барселона”, “ПСЖ” ва “Ал-Ҳилол” клубларида тўп сурган. Бразилия миллий жамоаси таркибида у 128 та ўйин ўтказиб, 79 та гол урган. Transfermarkt интернет порталининг маълумотига кўра, футболчининг бозор қиймати 15 миллион еврони ташкил этади.
Футболчи аввалроқ “Агуа Санта”га қарши ўйинда пеналтидан ўзининг биринчи голини урди ва битта голли узатма амалга оширди.
Маълумот учун, Неймарнинг “Сантос”га қайтиш 2026 йилги Жаҳон чемпионатига Бразилия терма жамоасида таркибида ўйнаш учун тайёргарлик кўриш мақсадида амалга оширилган. Унинг “Сантос” билан шартномаси 2025 йил июнь ойигача мўлжалланган бўлиб, клуб президенти Марсело Тейхейра футболчини 2026 йилги Жаҳон чемпионатигача жамоада қолишини истамоқда.
Изоҳ (0)