“Севилья” клуби президенти Хосе Мария дел Нидо “Реал” клубининг Испания Қироллик футбол федерацияси (RFEF) ва Спорт масалалари бўйича Олий кенгашга (CSD) ҳакамликнинг ёмон ишлаши бўйича расмий шикоятига муносабат билдирди. Бу шикоят “Реал”нинг “Эспаньол”га учралган 0:1 ҳисобидаги мағлубиятдан кейин берилганди.
“Бу қабул қилиб бўлмайдиган ва душманона ҳаракат. Бу ҳакамларнинг шаъни ва мусобақанинг ҳалоллигини шубҳа остига қўяди. Футбол дунёси бундай баёнотни жамоатчилик олдида ҳам, судда ҳам қоралаши керак. Энг ёмони шундаки, клуб Реал TV ва бошқа воситалар орқали Испания футболига путур етказмоқчи бўлмоқда. Биз бунга чидаб туролмаймиз!
Биринчидан, биз ҳакамларни тўлиқ қўллаб-қувватлаймиз. Уларнинг шаънига шубҳа қилинишига йўл қўймаймиз. “Реал” уларга босим ўтказмоқчи ва бу уларнинг эркин қарор қабул қилишига халақит беради”, дейди “Севилья” президенти.
Ҳозирда “Реал” Ла Лига турнир жадвалида биринчи ўринда бормоқда. “Атлетико” иккинчи ўринда бормоқда. “Барселона” икки очко камроқ жамғарган ҳолда учинчи ўринни эгаллаб турибди.
Изоҳ (0)