Туркиянинг Сакаря провинциясида 30 ёшли эркак ишсизлик ва турмушидаги муаммолар туфайли юзага келган жанжалда ов милтиғида отиб ўлдирди. Бу ҳақда Son Dakika хабар берди.
Онаси жанжал вақти ўғлини ишламаслиги ва уйланмагани учун танқид қилган. Воқеадан сўнг ўғил 112 хизматига қўнғироқ қилиб, бедарак йўқолганини айтган. Кейин эса у жандармерия ходимлари томонидан топилгач, қотиллик содир этганини тан олган.
Полиция ходимлари қотиллик юз берган уйга борганида 62 ёшли аёлнинг жасадига дуч келган. Марҳуманинг жасади воқеа жойида ўтказилган тергов ишларидан кейин ўликхонага юборилган. Ҳозирда текширув ишлари олиб борилмоқда. Уйдан топилган барча далиллар текшириш учун тегишли бўлинмага юборилган.
Ўғилнинг отаси ҳодиса пайти туман марказида бўлган. Гумонланувчи суд мажлисидан сўнг ҳибсга олиниб, қамоқхонага жўнатилган.
Онасини ўлдириш билан боғлиқ даҳшатли ҳодиса 2023 йилда Тожикистонда юз берганди. Ўшанда 32 ёшли эркак онасини 136 марта пичоқ уриб ўлдирган. Қўлга олинган шахс ва 65 ёшли марҳума ўртасида жанжал келиб чиққанди. Улар ўртасидаги можаро сабаблари маълум қилинмаган. Аёл руҳий касалликдан азият чеккан ва 1993 йилдан бери маҳаллий руҳий шифохонада рўйхатга олинган.
Изоҳ (0)