“Барселона”нинг ёш юлдузи Ламин Ямалнинг отаси Мунир Насрауи пичоқланган ҳолда шифохонага етказилди.
Relevo берган маълумотларга кўра, унга аллақачон рухсат берилган ва ҳозирда унинг ҳаёти хавф остида эмас.
Ҳодисанинг аниқ тафсилотлари ошкор этилмаган, бироқ баъзи испан ОАВлари Барселонанинг Матаро чеккасидаги автотураргоҳда содир бўлган можаро ҳақида турли версияларни айтмоқда.
Полиция бир нечта гувоҳларни топишга муваффақ бўлди. Ҳужум олдидан бир нечта номаълум шахслар ва Ламиннинг отаси иштирокида можаро юз бериб муштлашув содир бўлган. Можаро Мунир ити билан юрганида бошланган: уни ҳақорат қилишган ва балкондан сув сепишган. Воқеа муштлашувга айланиб кетган ва Ямалнинг отасига пичоқ билан ҳужум қилинган.
Интернетда Ямалнинг отаси ва қўшнилари ўртасида содир бўлган жанжал акс этган видеолар тарқалди. Бу ердаги жанжал ҳам муштлашув билан якун топиши мумкин эди, бироқ воқеа жойига полиция етиб келган.
Эслатиб ўтамиз, 17 ёшли Ямал “Барселона” тарбияланувчиси бўлиб, академиядан асосий жамоага қўшилган. Футболчининг клуб билан шартномаси 2026 йилнинг ёзига қадар мўлжалланган. Transfermarkt испаниялик футболчини 120 миллион еврога баҳоламоқда.
Ўтган мавсумда Ямал 50 та ўйин ўтказиб, 7 та гол урди ва 9 та голли узатмани амалга оширди.
2024 йилги Европа чемпионатида ёш вингер еттита ўйиннинг барчасида қатнашиб, битта гол урди ва тўртта голли узатмани амалга оширди.
Изоҳ (0)