“Калмар ўйини” сериалининг 2-мавсумидаги кўпчилик эътибор бермаган муҳим деталлар (фото)

Netflix ниҳоят платформанинг бутун тарихи давомидаги энг машҳур шоу — “Калмар ўйини”нинг узоқ кутилган иккинчи мавсумини тақдим этди. Қизиқарли сюжет, рамзий кийимлар ва ёрқин декорация, шунингдек, янги ва севимли қаҳрамонлардан иборат актёрлар таркиби туфайли сериал дарҳол оммалашди. Лекин сериалда шундай деталлар борки, улар синчков томошабинларни ўйлантириб қўймоқда.

• Ин Хонинг соч турмаги худди Сан Уникидай
• Ин Хо сут ичмайди
• Ки Хун жамоаси охирги бўлиб ўйнайди
• Баландликдаги ўйин
• Шахмат
• Ин Хонинг хотинини қутқариш учун имконияти бўлган
• Титрдан кейинги саҳна

Ин Хонинг соч турмаги худди Сан Уникидай

Ин Хо ўйин бошидан бери ўзи яратган баҳсли вазиятларда Ки Хуннинг реакциясини кузатиб боради. Масалан, Ин Хо овоз бериш пайтида кўк тугмани босганида Ки Хуннинг бунга муносабатини кўриш учун дарҳол ўгирилади. Шунингдек, Ин Хонинг соч турмаги биринчи мавсумдаги Ки Хуннинг дўсти Сан Унинг соч турмаги билан бир хил. Эҳтимол, у шу йўл билан Ки Хунда ўзига яқинлаштирувчи ҳис-туйғуларни уйғотмоқчи ёки аксинча, унинг ғазабини қўзғатмоқчи бўлгандир.

Ин Хо сут ичмайди

Бундан ташқари, Ин Хо Ки Хун устидан очиқчасига кулаётганга ўхшайди. Биринчи мавсумда 456-рақамли ўйинчи овқат ҳазм қилиш муаммоси борлигини айтиб, шоколадли сут сўраганди. Бу Ил Намни қувонтирган, у ўғлининг ҳам худди шундай эканлигини таъкидлаганди. Иккинчи мавсумда эса Ин Хо худди Ки Хунни масхара қилаётгандек, сутни ҳомиладор қизга беради. Томошабинлар фикрича, Ил Нам ўғли ҳам оддий сутни ича олмаслиги ҳақида гапирганида, у аслида ўйин яратувчисининг ўғли бўлган Ин Хони назарда тутган.

Ки Хун жамоаси охирги бўлиб ўйнайди

Ин Хонинг жамоаси охирги бўлиб чиқиши ҳам тасодифий эмаслигини таъкидлаш лозим. Ин Хо ютқазиши мумкинлигини англаб, охирги бўлиб чиқади. Барча ўйинчилар кўз ўнгида бундай қилиш хато бўларди, чунки у шахсиятини иштирокчилардан яширин сақлайди. Шунинг учун Ин Хо эҳтиёт чораси сифатида охирги бўлиб чиқади: агар у ютқазганда, унинг жамоасидаги барча аъзолар отиб ташланарди, ўзи эса ташкилий ишларига қайтарди.

Баландликдаги ўйин

Биринчи мавсумда кейинги ўйинлар ҳақида деворда кўрсатмалар бор эди. Иккинчи мавсумда ҳам бу такрорланади. Кейинги ўйинлардан бири қандайдир тирмашиб чиқишлар билан боғлиқ бўлади. Эҳтимол, қаҳрамонлар тўсиқлардан ушлаб туришлари ва уларга нимадир халақит бермагунча олдинга силжишлари керак бўлади. Бу ўйин қаҳрамонлар шиша кўприкдан ўтишга мажбур бўлган биринчи мавсумнинг сўнгги ўйинига ўхшаш бўлиши мумкин.

Шахмат

Деворлардаги ўйинлар ҳақидаги яна бир ишора икки хил рангдаги: қора ва оқ геометрик шакллар билан боғлиқ. Баъзи мухлислар буни чанги — Жанубий Корея шахмати билан боғлашмоқда. Бунда ўйинчилар сони ўйиндаги керакли фигуралар сонига тенг бўлади ва кейинги синов қандай бўлишини билишдан олдин ўйинчилар икки жамоага бўлиниб, иккита сардор танлашлари керак бўлади. Улардан бири, шубҳасиз, Ки Хун бўлади. Худди “Гарри Поттер”даги каби, у бошқаларни қутқариш учун айрим одамларни қурбон қилишига тўғри келади. Бу эса Ки Хунни кейинги ўйиннинг шафқатсиз бошловчисига айлантиришда яна бир қадам бўлиши мумкин.

Ин Хонинг хотинини қутқариш учун имконияти бўлган

“Калмар ўйини” биринчи мавсумининг воқеалари 2020 йилда содир бўлади ва айнан шу пайтда кейинчалик бошловчига айланган Хван Ин Хонинг 2015 йилги ўйинларда иштирок этгани маълум бўлади. Иккинчи мавсум 2023 йилда кечади ва иккинчи қисмда томошабин Ин Хо 2018 йилда хотинидан айрилганини билади. Гап шундаки, у ўйинга рафиқасини қутқариш учун келган, бироқ Ин Хо 2015 йилги ўйинни назарда тутганини аниқлаштирмаган. Шундан маълум бўладики, Ин Хода хотинини қутқариш учун яна уч йил вақти бор эди, аммо у бундай қилмайди. Укаси Жун Хо Ин Хонинг яшаш жойини топиб, у жуда қашшоқликда ҳаёт кечираётганини ва ҳатто квартира учун тўлов қилишга пули йўқлигини билади. Чамаси, Ин Хо Ки Хун каби бўлган: ўйинда ғалаба қозонгандан сўнг у ютуққа қўл ура олмаган ва ҳатто бу пулни хотинига сарфлашга ўзида куч топа олмаган, кейин эса бутунлай қайтиб келган.

Титрдан кейинги саҳна

Титрлардан кейинги саҳнада ўйинчилар эски ўғил бола қўғирчоққа яқинлашадилар, кейин эса кадр темир йўл кесишмаларига хос бўлган светофорга ўтади. Мухлисларнинг фикрига кўра, бу Жанубий Кореяда жуда машҳур бўлган Донг донг ўйини бўлиши мумкин. Қоидага кўра, бир неча жуфт одамлар маълум бир тарзда туради ва ҳар бир жуфтлик бошқа ўйинчилар ўтадиган айланага ўхшайди. Бу вақтда болалар қўшиқ айтишади ва қўшиқ тугагач, айлана ёпилади ва унга тушган болалар янги қўриқчиларга айланади. “Калмар ўйини”даги айланалар сунъий бўлиши ва иштирокчилар қўшиқ тугагунга қадар сакраб ўтишга умид қилиб, улар орқали югуришлари мумкин, аммо югуришга улгурмаганларни эса аянчли тақдир кутади.