“Калмар ўйини”нинг иккинчи мавсумидан сўнг, кўпчилик томошабинлар Кон Ю ўйнаган образга кўпроқ эътибор қаратди. Албатта, кўпчилик актёрни “Пусанга элтувчи поезд” фильми орқали таниган бўлиши керак, аммо Кон Ю анча катта фильмографияга эга ва унинг драмалардаги роллари эътиборга лойиқ.
“Гоблин” (2016)
Кинопоискда рейтинг: 8.5
Кон Ю асрлар давомида ўлиш йўлини излаётган абадий ҳаётга эга гоблин ролини ўйнайди. Бироқ унинг тақдирига битилган қиз билан учрашуви ҳаммасини ўзгартиради. Ушбу сериал ўзининг таъсирчан сюжети ва актёрларнинг ажойиб ижроси туфайли кўплаб мукофотларга сазовор бўлди. Дарвоқе, бу фильмда машҳур актёр ва Кон Юнинг дўсти Ли Дон Ук ҳам ўйнайди.
“Шаҳзода кафеси” (2007)
Кинопоискда рейтинг: 7.9
Энг машҳур романтик драмалардан бири, унда Кон Ю қаҳвахона хўжайини ролини ўйнайди, у бир қизни йигит деб ўйлаб, ишга олади. Уларнинг муносабатлари ноодатий ва қизиқарли тарзда ривожланади.
“Баҳорий кеча” (2019)
Кинопоискда рейтинг: 7.9
Бу драмадаги Кон Ю бош ролни ижро этмайди, лекин унинг образи томошабинда кучли таассурот қолдиради. Сериал мураккаб ишқий муносабатлар ҳақида ҳикоя қилади, муҳим ҳаётий масалаларга тўхталиб ўтади.
“Катта” (2012)
Кинопоискда рейтинг: 7.7
Мазкур фильмда Кон Ю ёш шифокор ролини ўйнайди, унинг руҳи ғалати ҳодисадан кейин тўсатдан ўсмир танасида пайдо бўлади. Бу қаҳрамонларнинг қийинчиликларни енгиб, ўзларини топишлари ҳақидаги қизиқарли, аммо таъсирли ҳикоядир.
“Севимли ўқитувчим” (2005)
Кинопоискдаги рейтинг: 7.3
Мазкур драмада Кон Ю қора ўтмишга эга харизматик ўқувчини тасвирлайди. Унинг ҳаётини ўзгартиришга уринаётган ўқитувчиси билан муносабатлари кўплаб ҳис-туйғуларни келтириб чиқаради.
Изоҳ (1)
Qanqlib koramz chayptku