Паддингтон айиғига расман Британия паспорти берилди. Бу ҳақда Роб Сильванинг Radio Times нашрига берган интервьюсига таяниб “Правила жизни” хабар берди.
“Биз Британия Ички ишлар вазирлигидан сёмка ишлари учун реквизит шаклида шахсни тасдиқловчи ҳужжат олишимиз мумкинми, деб сўрадик ва улар бизга расмий паспортни тақдим этишди. Бундай турдаги паспорт ягона нусхададир”, дея Сильва ичида Паддингтоннинг сурати туширилган ҳужжатни кўрсатди.
“Биз Ички ишлар вазирлигининг бундай ҳазилкаш эканини билмаган эдик, лекин улар паспортнинг ичига айиқ деб ёзиб қўйишибди”, деди у.
Айиққа овоз берган актёр Бен Уишоу сўзларига кўра, франшизанинг учинчи қисми Перуда бўлиб ўтган, шунинг учун айиққа паспорт керак бўлмаган. Суратга олиш ишларининг барчаси Лондон марказидаги студияда ёзиб олинган.
The Guardian Паддингтонни “Британия аҳолисининг энг яхши севимли ва энг таниқли қочқинларидан бири” деб атайди, чунки фильмда айиқ Перудан бўлади.
Фото: Newsweek
“Паддингтоннинг саргузаштлари” режиссёр Майкл Бонд томонидан суратга олинган бўлиб, яхши ҳаёт илинжида холаси билан Перудан Лондонга қочишга мажбур бўлган гапирувчи айиқ ҳақидадир. Сюжетга кўра, Паддингтон Браунлар оиласи билан танишади. Дастлаб улар билан тил топиша олмайди, аммо тез орада уларга керакли инсон эканлигини исботлайди.
Актёр Бен Уишоу “Паддингтоннинг саргузаштлари”нинг иккала қисмида ҳам айиққа овоз берган. “Паддингтон саргузаштлари-3” фильми жаҳон прокатига 8 ноябрда чиқиши кутилмоқда.
Изоҳ (0)