Футбол бўйича Чемпионлар Лигаси умумий босқичининг 7-тур ўйинлари 21—22 январь кунлари бўлиб ўтди. Ушбу натижалар асосида Европанинг энг нуфузли турнирини муддатидан аввал чиқиб кетган жамоалар аниқ бўлди.
Шундай қилиб Испаниянинг “Жирона”, Сербиянинг “Црвена Звезда”, шунингдек, Австриянинг “Red Bull Зальцбург” ва “Штурм” жамоалари етти ўйиндан сўнг атиги уч очко тўплади ва Чемпионлар Лигаси плей-офф босқичига чиқиш имкониятини йўқотди. Бундан ташқари, Чехиянинг “Спарта” (4 очко) ва Италиянинг “Болонья” (5 очко) клуби ҳам кейинги босқич учун кураш олиб бора олмайди.
Маълумот учун, декабрь ойидаёқ “Янг Бойс”, Братиславанинг “Слован” ва “Лейпциг” жамоалари турнирнинг дастлабки олтита ўйинида мағлуб бўлган ҳолда курашни давом эттириш имкониятини йўқотган эди.
Чемпионлар Лигаси умумий гуруҳ босқичининг сўнгги тур ўйинлари 29 январь куни бўлиб ўтади.
Изоҳ (0)