Каталониянинг “Барселона” ҳужумчиси Роберт Левандовски Чемпионлар Лигаси умумий босқичининг 7-турида “Бенфика”га қарши ўйинда (5:4) икки марта пенальтидан гол уриб, мусобақа тарихида энг кўп 11 метрлик жарима зарбасидан самарали фойдаланган футболчилардан бири бўлди. Бу ҳақда Opta Спорт хабар бермоқда.
Манбага кўра, 36 ёшли поляк ҳужумчиси мусобақада пенальтидан 19-голини киритиб, португалиялик ҳужумчи Криштиану Роналдунинг кўрсаткичига тенглашди.
Футболчи 18 та гол киритган аргентиналик ҳужумчи Лионель Мессини ортда қолдирди.
Жорий мавсумда Роберт “Барселона” сафида барча мусобақаларда 29 та ўйинда майдонга тушиб, 28 та гол ва 3 та самарали узатма амалга оширди. Transfermarkt портали маълумотига кўра, футболчининг бозор қиймати 15 миллион еврони ташкил қилади.
Изоҳ (0)