“Ливерпуль”нинг мисрлик ҳужумчиси Муҳаммад Салоҳ клуб билан янги шартнома тузишга яқин турибди.
Маълумотларга кўра, янги келишув 2027 йилгача мўлжалланган бўлиб, яна 12 ойлик узайтириш имконини ҳам ўз ичига олади. Бу ҳақда таниқли журналист ва инсайдер Николо Шкира Х (собиқ Twitter) ижтимоий тармоғида хабар берди.
Салоҳ 2017 йил ёзидан бери “Ливерпуль” шарафини ҳимоя қилиб келмоқда. У клуб таркибида Англия Премьер Лигаси, Англия Кубоги, Чемпионлар Лигаси ва Клублар ўртасида жаҳон чемпионатида ғолиб чиққан.
Шунингдек Салоҳ АПЛ тарихида кетма-кет тўрт мавсум давомида 10 ва ундан ортиқ гол ва голли узатма берган биринчи футболчи сифатида тарихга кирди.
Жорий мавсумда ҳужумчи клуб сафида барча мусобақаларда 24 та ўйинда қатнашиб, 18 та гол урди ва 15 та голли узатма амалга оширди.
Изоҳ (0)