Futbol bo‘yicha Chempionlar Ligasi umumiy bosqichining 7-tur o‘yinlari 21—22-yanvar kunlari bo‘lib o‘tdi. Ushbu natijalar asosida Yevropaning eng nufuzli turnirini muddatidan avval chiqib ketgan jamoalar aniq bo‘ldi.
Shunday qilib Ispaniyaning “Jirona”, Serbiyaning “Srvena Zvezda”, shuningdek, Avstriyaning “Red Bull Zalsburg” va “Shturm” jamoalari yetti o‘yindan so‘ng atigi uch ochko to‘pladi va Chempionlar Ligasi pley-off bosqichiga chiqish imkoniyatini yo‘qotdi. Bundan tashqari, Chexiyaning “Sparta” (4 ochko) va Italiyaning “Bolonya” (5 ochko) klubi ham keyingi bosqich uchun kurash olib bora olmaydi.
Ma’lumot uchun, dekabr oyidayoq “Yang Boys”, Bratislavaning “Slovan” va “Leypsig” jamoalari turnirning dastlabki oltita o‘yinida mag‘lub bo‘lgan holda kurashni davom ettirish imkoniyatini yo‘qotgan edi.
Chempionlar Ligasi umumiy guruh bosqichining so‘nggi tur o‘yinlari 29-yanvar kuni bo‘lib o‘tadi.
Izoh (0)