“Манчестер Сити” бош мураббийи Хосеп Гвардиола жамоага янги қўшилган Абдуқодир Ҳусанов ва Рейс ҳақида фикр билдирди.
Чемпионлар Лигаси умумий босқичининг 7-туридан ўрин олган “ПСЖ”—“Манчестер Сити” учрашуви олдидан матбуот анжуманида қатнашган меҳмонлар мураббийи Гвардиола икки ёш ҳимоячилар ҳақида фикр билдирди.
“Таркибимизга қўшилган ўйинчиларга “Сити” оиласига хуш келибсиз дейман. Уларнинг жамоага қўшилганидан мамнунман. Улар ёш ўйинчилар, кўп йиллар давомида жамоамизда бўлишлари режа қилинган.
Ҳусанов Францияда ўйнаган. У ажойиб жисмоний кўрсаткичларга эга ва умид қиламизки, инглиз тилини иложи борича тезроқ ўрганади. Рейс эса ажойиб ёш бразилиялик футболчи.
Улар Чемпионлар Лигасида 1/8 финал босқичига чиққанимиздан кейин ёрдам бера олишади. АПЛда эса улар ҳозирдан ўйнаш имконига эга”, дея бош мураббий сўзларини келтиради “шаҳарликлар” матбуот хизмати.
Маълумот учун, “ПСЖ”—“Манчестер Сити” учрашуви бугун, 22 январь куни бўлиб ўтади.
Изоҳ (0)