Мадриднинг “Реал” клуби Испания Ла Лигаси 31-туридан ўрин олган ўйинда “Жирона”га мағлуб бўлди.
Учрашувга оид рақамлар ва фактлар
“Реал Мадрид” XXI асрда биринчи марта Ла Лига доирасида бир футболчидан тўртта гол ўтказиб юборди. “Жирона” ҳужумчиси Валентин Кастелянос “қаймоқранглилар”га қарши ўйинда покер қайд этди. Бунгача чемпионатда 76 йил давомида ҳеч қайси футболчи “Реал” дарвозасига бир ўйинда тўртта гол киритмаганди.
“Қироллик клуби”нинг бутун тарихи давомида барча турнирларда фақатгина 9 нафар футболчи жамоага қарши ўйинда покер қайд эта олган эди. Кастелянос “Реал” дарвозасига 4 та гол урган ўнинчи футболчи бўлди.
- 1926 йил — Хосеп Самитер, “Барселона” — Испания кубоги;
- 1929 йил — Карлос Бестит, “Европа” — Испания чемпионати;
- 1935 йил — Карлос Вантолра, "Барселона" — Испания чемпионати;
- 1940 йил — Мартинес Катала, “Овьедо” — Испания чемпионати;
- 1944 йил — Амилин, “Оведо” — Испания чемпионати;
- 1947 йил — Эстебан Эчеваррия, “Овьедо” (ягона пента-трик) — Испания чемпионати;
- 1957 йил — Эулогио Мартинес, “Барселона” — Испания Кубоги;
- 2006 йил — Диего Милито, “Сарагоса” — Испания кубоги;
- 2013 йил — Роберт Левандовски, “Боруссия Д” — Чемпионлар Лигаси;
- 2023 йил — Валентин Кастелянос, “Жирона” — Испания чемпионати.
“Жирона” Ла Лига тарихида “Реал”га қарши ўйинларда ғалаба фоиз кўрсаткичи (50%) бўйича энг яхши натижа қайд этган жамоа бўлиб турибди. Ўзаро олтита ўйиннинг 3 тасида каталонларнинг қўли баланд келган, бир ўйин дуранг билан якун топган, иккитасида “Реал” ютган.
“Реал Мадрид” футболчиси Винисиус Жуниор клубдаги фаолияти давомида биринчи марта қаторасига 7 та ўйинда самарали ҳаракат (3 гол, 6 ассист) амалга оширди.
“Реал Мадрид” дарвозабони Андрей Лунин 2022/23 йилги мавсумда жамоа сафида барча турнирлардаги 12-учрашувини ўтказди. Мадрид клуби уларнинг иккитасида мағлуб бўлди.
“Жирона” сафида покер қайд этган аргентиналик Кастелянос бутун учрашув давомида бор йўғи 4 марта узатма амалга оширди.
Изоҳ (0)