Франция терма жамоаси бош мураббийи Дидье Дешам 2026 йилда бўлиб ўтадиган Жаҳон чемпионатидан сўнг жамоани тарк этади.
Le Parisien хабарига кўра, Дешамнинг ўрнига асосий номзод собиқ Мадриднинг “Реал” мураббийи Зинедин Зидан ҳисобланади.
Зинедин Зидан клуб даражасида фақат “Реал”да ишлаган. У жамоани 2016—2018 ва 2019—2021 йилларда бошқарган. Француз мураббийи “қироллик клуби” билан икки карра Испания чемпиони, икки карра Испания Суперкубоги соҳиби ва уч карра Чемпионлар Лигаси ғолиби бўлган.
Аввалроқ АС нашри Зидан Франция терма жамоаси билан ишлашни кўзлаётгани ҳақида хабар берганди. У 2022 йил Қатардаги Жаҳон чемпионатидан сўнг Франция терма жамоасини бошқаришни режалаштирган эди, бироқ мураббий Дидье Дешам ўз лавозимида қолган. Хабарда айтилишича, ҳозирда Зидан Мадридда яшамоқда ва фақат Франция терма жамоасидан таклиф кутмоқда.
Изоҳ (0)