Мадриднинг “Атлетико” жамоаси Ла Лиганинг 19-турида “Осасуна”ни 1:0 ҳисобида мағлубиятга учратиб, кетма-кет ғалабалар бўйича янги клуб рекордини ўрнатди. Бу ҳақда Opta Спорт хабар бермоқда.
Диего Симеоне бошқарувидаги жамоа кетма-кет 14 та ўйинда ғалаба қозонди. “Матрасчилар” Испания чемпионатида кетма-кет саккизта, Испания Кубоги доирасида учта, шунингдек, Чемпионлар Лигаси гуруҳ босқичида яна учта ўйинда муваффақиятга эришди.
Бунга қадар “Атлетико”нинг энг узоқ давом этган ғалабалар серияси 2012 йилнинг августидан октябригача бўлган даврга тўғри келган эди. Ўша пайтда ҳам жамоани аргентиналик мураббий Диего Симеоне бошқарган.
Ҳозирда “Атлетико” 19 та ўйиндан сўнг 44 очко тўплаб, Ла Лига турнир жадвалида биринчи ўринни эгаллаб турибди. Мадридликлар кейинги ўйинини 15 январь куни Испания Кубоги 1/8 финали доирасида “Элче”га қарши ўтказади.
Изоҳ (0)