Жуд Беллингҳам жароҳати сабабли “Реал”нинг муҳим ўйинларини ўтказиб юборади

“Реал” ярим ҳимоячиси Жуд Беллингҳем тўпиғидан жароҳат олган.

“Жирона”га қарши баҳснинг (4:0) 57-дақиқасида Жуд жароҳат олганлиги сабабли, майдондан олинганди. “Реал” матбуот хизматининг маълум қилишича, футболчи тўпиғидан олган жароҳати сабабли 2-3 ҳафтани ўтказиб юборади.

Шу тариқа Жуд мадридликларнинг Чемпионлар Лигаси доирасидаги “Лейпциг”га қарши ўйинини (13 февраль), Ла Лига доирасидаги “Райо Вальекано” (18 февраль), “Севилья” (25 февраль) ҳамда “Валенсия”га (2 март) қарши баҳсларни ўтказиб юборади.  

Журналист Аранча Родригеснинг ёзишича, англиялик футболчи “Лейпциг”га қарши жавоб ўйинигача (6 март) сафга қайтади.

Жорий мавсум Беллингҳем “Реал” сафида 29 та ўйин ўтказиб, 20 та гол ва 8 та голли узатмага муаллиф қилди.