13 апрель, шанба куни футбол бўйича Испания чемпионатининг 32-тур ўйинларига старт берилади.
Мусобақа жадвалида етакчилик қилаётган Каталониянинг «Барселона» клуби сафарда «Уэска»ни синовдан ўтказади. Беллашув Тошкент вақти билан соат 19:15 да бошланади. Эслатиб ўтамиз, каталонияликлар Европа Чемпионлар Лигаси 1/4 финалининг дастлабки ўйинида «Манчестер Юнайтед»ни Люк Шоунинг автоголи эвазига мағлубиятга учратганди (1:0).
Шу куни мусобақа жадвалида 2-ўринда бораётган Мадриднинг «Атлетико» жамоаси ўз майдонида «Сельта»ни қабул қилади. Учрашув соат 21:30 да старт олади. Маълумот учун, Диего Симеоне шогирдлари мусобақанинг 31-турда «Барселона»га 0:2 ҳисобида ютқазганди.
15 апрель, душанба куни турнинг сўнгги ўйинида Зинедин Зидан бошқарувидаги «Реал Мадрид» жамоаси «Леганес»га қарши майдонга тушади. Таъкидлаш жоиз, «Қироллик клуби» охирги турда «Эйбар» устидан ғалаба қозонганди (2:1).
31-турдан сўнг мусобақа жадвалидаги ҳолат:
Ла Лига
32-тур баҳслари
13 апрель, шанба
«Эспаньол»—«Алавес» 16:00
«Уэска»—«Барселона» 19:15
«Атлетико Мадрид»—«Сельта» 21:30
«Севилья»—«Бетис» 23:45
14 апрель, якшанба«Вальядолид»—«Хетафе» 15:00
«Атлетик Бильбао»—«Райо Вальекано» 17:00
«Реал Сосьедад»—«Эйбар» 19:15
«Жирона»—«Вильярреал» 21:30
«Валенсия»—«Леванте» 23:45
15 апрель, душанба«Леганес»—«Реал Мадрид» 00:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)