“Ал-Ҳилол” жамоаси бош мураббийи Жорже Жезус 32 ёшли ҳужумчи Неймар Саудия Арабистони чемпионатининг иккинчи қисмида жамоа таркибига киритилмаслигини, футболчининг ўйин даражаси пасайганини таъкидлади.
“Неймар чемпионат учун жамоа таркибига киритилмайди. У Осиё Чемпионлар Лигасида қатнашиши мумкин. Саудия Арабистони чемпионати дунёнинг энг яхши лигаларидан бири. ъАл-Ҳилолънинг барча футболчилари исталган Европа клубида ўйнай олади. Неймар энди биз одатланган даражани намойиш эта олмайди. Афсуски, унинг учун вазият мураккаблашди”, дея Жорже Жезуснинг сўзларини келтиради Фоотмерcато.
Маълумот учун, бразилиялик футболчи 2023 йил октябрь ойида тиззасидан жароҳат олган эди. Неймар ўтган йилнинг октябрига қадар жароҳатдан тикланган, аммо Осиё Чемпионлар Лигаси доирасидаги “Истиқлол”га қарши ўйинда яна жароҳат олган. Жорий мавсумда ҳужумчи икки учрашувда майдонга тушиб, жами 42 дақиқа ўйнади.
Изоҳ (0)