“Бошқотирма” анимацион фильмининг иккинчи қисми чиқиши биланоқ қисқа фурсатда барча рекордларни янгилаб, энг кассабоп мультфильмга айланди ва 1,5 миллиард доллардан ортиқ даромад келтирди. Қуйида барча даврларнинг энг даромадли 12 та фильмини жамладик. Ушбу рейтингда “Бошқотирма-2” фильми нечанчи ўринни эгаллаганини материалда билиб оламиз.
1-ўрин: “Аватар”
Шу кунгача “Аватар”нинг биринчи қисми 2,9 миллиард доллар даромад олиб келган. Фильм XXI аср бошида яратилган энг юқори даромадли картиналардан бири сифатида абадий қолди. Дарвоқе, режиссёр ўз ишига пухта ёндашадиган инсон бўлмаганида эди, фильм 2009 йилда эмас, балки 1999 йилда намойиш этилиши мумкин эди. Аммо технологияларнинг ривожланиш даражаси ўша даврга мос келмаган ва шунинг учун томошабинлар фильмни фақат ўн йилдан кейин кўришга муваффақ бўлган.
2-ўрин: “Қасоскорлар: хотима”
Marvel кино оламининг маҳсули ушбу рейтингда етакчи ўринни эгалламоқда. Фильмнинг касса тушумлари 2,7 миллиард доллардан ошган бўлиб, лойиҳа супер қаҳрамонлар кинематография олами билан бир неча бор ҳамкорлик қилган ака-ука Руссоларга тегишли. Фильмнинг биринчи расмий трейлери YouTube каналида тарихда биринчи марта 4 соатдан камроқ вақт ичида миллиондан ортиқ лайк тўплаган.
3-ўрин: “Аватар: сув йўли”
Ўз даврида энг кўп даромад келтирган топ-3 та фильмларнинг иккитаси маҳоратли режиссёр Жеймс Кемеронга тегишли. Фильмнинг касса тушумлари: 2,3 миллиард долларга етган. “Аватар-2” фильмининг тижорий муваффақияти Кемеронни франшизани давом эттириши кераклигига ишонтирди. Фильмнинг учинчи қисмини суратга олиш ишлари аллақачон якунланган, тўртинчи ва бешинчи қисмлари учун сценарийлар тайёр.
4-ўрин: “Титаник”
“Титаник” фильми касса тушуми миллиард доллардан ошган биринчи фильм бўлди ва “Аватар” ундан ўзиб кетгунига қадар 12 йил давомида тарихдаги энг юқори даромад келтирган фильм номини сақлаб қолди. Даҳо режиссёр Жеймс Кемероннинг ушбу фильми 2,2 миллиард доллар даромад келтирган.
5-ўрин: “Юлдузлар жанги: қудрат уйғониши”
Режиссёр Жей Жей Абрамс томонидан суратга олинган Walt Disney компаниясига тегишли “Юлдузлар жанги: қудрат уйғониши” фильми дунё бўйича йиғимлари 2,07 миллиард долларни ташкил қилди. Мазкур лойиҳа 2015 йилда намойиш этилган ва кўплаб шов-шувларга сабаб бўлган. “Юлдузлар жанги”нинг еттинчи эпизоди намойиши олдидан АҚШ ва Канада давлатлари чипта сотишдан рекорд даражада фойда кўрган.
6-ўрин: “Қасоскорлар: абадият жанги”
Ушбу фантастик жангари фильм 2018 йилда ака-ука режиссёр Руссолар томонидан суратга олинган ва фильм 2,052 миллиард доллардан кўпроқ даромад кўрган.
7-ўрин: “Ўргимчак одам: уйга йўл йўқ”
Пандемия даврида суратга олинган ушбу фильм туфайли актёр Том Ҳолланд МTV Мovie&TV Awards 2022 маросимида “энг яхши актёр” номинациясида ғолиб бўлган. Лойиҳа 1,9 миллиард доллар даромад келтирган.
8-ўрин: “Юра даври дунёси”
Ресжиссёр Колин Треворроуга тегишли “Юра даври дунёси” фильми энг даромадли кино лойиҳалар рейтингида фахрли 8-ўринни эгаллади. Унинг касса тушумлари 1,67 миллиард долларни ташкил этган.
9-ўрин: “Қирол шер”
2019 йилда чиққан фильм Америка кинофильмлар ассоциацияси тизимидаги PG рейтингига лойиқ кўрилди ва 1,666 миллион доллар билан бошқа лойиҳаларни ортда қолдирди. Унда Муфасадан кейин қирол бўладиган шер боласи Симба ҳақида ҳикоя қилинади.
10-ўрин: “Қасоскорлар”
Variety рейтингига кўра, XXI асрнинг энг кўп даромад келтирган фильмлари ўнталигига 1,52 миллиард доллар тўплаган “Қасоскорлар” нинг биринчи қисми киради. Ушбу фильм Marvel олами мухлислари орасида ҳит бўлди. Дунёни қутқаришга тайёр бўлган жасур суперқаҳрамонлар, махсус эффектлар, ажойиб камера иши ва юлдузли актёрлар таркиби — буларнинг барчаси лойиҳа харажатларини бир неча марта қоплашга муваффақ бўлди. Фильм дарҳол танқидчилар ва томошабинлар томонидан юқори баҳоланди.
11-ўрин: “Форсаж-7”
Актёр Вин Дизель ва Мишел Родригес иштирокидаги фильм ҳеч кимни бефарқ қолдирмади, шунинг учун лойиҳа 1,52 миллиард доллар олиб келди. Унда марҳум актёр Пол Уокер сўнгги марта рол ижро этган.
12-ўрин: “Бошқотирма-2”
Тахмин қилганингиздек, “Бошқотирма-2” кучли 12 таликни эгаллади. Фильмнинг премьераси шов-шувли тарзда ўтди ва лойиҳа тарихдаги энг даромадли фильмлар рўйхатига кира олди. Фахрли 12-ўринни олган мазкур лойиҳа даромади 1,5 миллиард долларни ташкил этди.
Изоҳ (0)