Режиссёр Жеймс Камероннинг афсонавий “Титаник” фильми 1997 йилда суратга олинган ва 12 йил давомида инсоният тарихидаги энг кассабоп фильм бўлган. Ушбу фильмда суратга тушганидан кейин машҳурликка эришган актёр ва актрисаларнинг кўриниши 26 йил ичида қанчалик ўзгарган?
Роуз Дюитт Бюкейтер — Кейт Уинслет
“Титаник”даги Роуз роли учун “Оскар”га номзод бўлган актриса, 2009 йилда “Китобхон”(Тҳе Reader) фильмидаги ижроси сабаб ушбу мукофотни қўлга киритган. Унда Кейт Германия шаҳарларидан бирида трамвай кондуктори бўлиб ишлайдиган аёл ролини ижро қилган. Уинслетт ювилмаган сочлар ва макияжсиз кўриниш беришдан қўрқмайдиганлардан. “Исттаунлик Мейр” (Маре оф Eastтоwн) сериалида суратга тушиш учун актрисанинг максимал даражада табиий кўрингани эса бунга исбот бўла олади. 2022 йилда Кейт иштирокидаги яна бир янги фильм — “Аватар-2” экран юзини кўрди.
Билли Зейн — Роузнинг қайлиғи Каледон Хокли
Илк фаолиятини 1985 йил “Келажакка қайтиб” (Баcк то тҳе футуре) фильмида Матч исмли йигитни гавдалантиришдан бошлаган актёр, кейинроқ “Снайпер”, “Мегавил” ва бошқа бир қанча фильмларда рол ижро қилган. “Титаник” дан кейин эса уни, асосан, салбий қаҳрамон ролига таклиф эта бошлашган. Айни вақтда актёр “Брандо билан валс” фимининг устида ишламоқда. Унда бош қаҳрамон сифатида кўриниш беради.
Роузнинг онаси Рут — Френсис Фишер
“Титаник”даги муваффақиятидан кейин актриса “Жозибадорлик қонунлари” (Lawс оф Аттраcтион), “Holidate” сингари фильмларда асосан она образида кўриниш берган. Бугунги кунда ижод қилишда давом этаётган Френсис 2021 йилда Netflix томонидан ишланган “Гуноҳкор” (Тҳе Синнер) сериалида суратга тушган.
“Титаник” кемасининг капитани — Бернард Хилл
Сюжетга кўра, Хиллнинг қаҳрамони “Титаник” билан бирга сув остида қолган. Фильм актёрга катта шуҳрат келтирган бўлишига қарамай, бу унинг ягона ташриф қоғози эмас. Бернард “Титаник”дан ташқари “Узуклар ҳукмдори” (Тҳе лорд оф тҳе рингс) кино трилогиясида ҳам рол ижро этган. Актёр сўнгги марта “Олтин йиллар” (Golden Еарс) фильмида иштирок этган. У фильмда банкларга ўғриликка тушадиган нафақахўр қаҳрамонини гавдалантирган.
Кема қурувчиси Томас Эндрюс — Виктор Гарбер
Олти карра “Эмми” ва тўрт марта “Тони” мукофотининг лауреати бўлган Виктор Гарбер “Катта ўйин” (Big Гаме), “Қотил” фильмларида суратга тушган. 2020 йилда унинг иштирокидаги “Энг бахтли мавсум” (Ҳаппиэст Seaсон) фильми экран юзини кўрган.
Кемадаги бадавлат кимса — Жонатан Хайд
Жонатан “Титаник”дан кейин “Мумиё”, “Бойвачча Риччи” (Ричиэ Рич) сингари фильмларда иккинчи даражали қаҳрамонларни гавдалантирган. “Жуманжи”да бирданига икки қаҳрамон: ота ва овчи образида кўриниш берган. Айни вақтда актёр театрда фаолият юритади.
Жон Жейкоб Astor IV — Эрик Браден
Асл исми Ганс-Ёрг Гудегаст бўлган актёр, 18 ёшида Германиядан АҚШга кўчиб келган. Фаолиятини сериалда суратга тушишдан бошлаган Эрик, спорт билан шуғулланишни яхши кўради. У ёшлигида енгил атлетика бўйича Германияда чемпион ҳам бўлган.
Маргарет Браун — Кети Бейц
“Оскар” лауреати, икки карра “Эмми”, “Олтин Глобус” ва “Қалқувчан Молли” номи билан танилган актриса “Титаник”даги Маргарет Браун роли учун “АҚШ кино актёрларининг Гилди мукофот”лари билан тақдирланган. Актриса “Ўзгариш йўли”(Револутионарй роад), “Ричард Жуэллнинг иши” (Ричард Жеwелл) фильмларида суратга тушган. Тухумдонлар ва кўкрак бези саратонидан азият чеккан Кети, шифо топганидан буён эса ўзини энг бахтли кишилардан бири деб ҳисоблайди.
Жек Доусон — Леонардо Ди Каприо
Кинодаги фаолиятини 1993 йилда бошлаган актёр, “Гилберт Грэйпни нима қийнамоқда?”(Wҳатъс эатинг Гилберт Grape) фильмида Жонни Депп билан суратга тушган, “Титаник”даги ижроси эса унга оламшумул машҳурлик олиб келган. Карьераси давомида у бир-биридан эсда қоларли фильмларда суратга тушган. “Буюк Гецби”, (Тҳе Греат Гацбй) “Тутқич бермас фирибгар” (Cатч ме иф ёу cан), “Муртадлар” (Тҳе Departed) ва “Лаънатланганлар ороли” (Шуттер исланд) шулар жумласидан. 2016 йилда “Омон қолган”(Тҳе Revenant) фильмидаги роли учун “Оскар”ни қўлга киритган актёр, Квентин Тарантинонинг “Бир куни Голливудда” (Онcе упон тиме ин Hollywood) фильмида суратга тушган. 2023 йилда Леонардо режиссёр Мартин Скорсезенинг “Гул ойининг қотиллари” (Киллерс оф тҳе Флоwер Moon) картинасида рол ижро этди.
Жекнинг дўсти Фабрицио Де Росси — Дэнни Нуччи
Кинодаги фаолиятини 14 ёшида эпизодик ролларни ижро қилишдан бошлаган актёр, “Титаник”дан кейин ҳам иккинчи даражали қаҳрамонларни гавдалантирган. “Қоя” (Тҳе Rock) фильми Майкл Бейнинг суратга тушган фильмлари орасида энг омадлиси ҳисобланади. Сўнгги марта у “911” сериалида иштирок этган.
Роузнинг набираси — Сюзи Эмис
Карьерасини фотомодел сифатида бошлаган Сюзи, кейинчалик актрисаликни афзал билган. 1993 йилда экран юзини кўрган “Митти Жо ҳақидаги баллада” (Тҳе баллад оф литтле Жо) фильмида жон сақлаб қолиш учун ўғил болалардек кийиниб юрган қиз ролини гавдалантиргани танқидчилар томонидан ижобий баҳоланган. “Титаник”нинг суратга олиш давомида режиссёр Жеймс Кемерон билан учраша бошлаган. 1999 йилда жуфтлик муносабатларига чек қўйган. Бугунги кунда унинг 3 нафар фарзанди бор.
Изоҳ (0)