Ақлбовар қилмайдиган рекордлар ўрнатган шоу-бизнес вакиллари (фото)

Бу машҳурлар нафақат истеъдодли мусиқачи ва актёрлар, балки ақлбовар қилмайдиган рекордлар ўрнатган инсонлар сифатида ҳам тарихда қолади.

Тейлор Свифт — энг даромадли гастрол сафари

Хонандани рекордчи деб аташ мумкин. Тейлор Свифт доимий равишда катта аудиторияни йиға олади — унинг Тhе Eras гастроли тарихдаги энг юқори даромад келтирган гастрол бўлди. 2023 йилнинг март ойида бошланган гастрол ҳали якунига етмаган. Даромад эса аллақачон 1 миллиард доллардан ошди. Гастролдаги сўнгги 151-концерт 2024 йилнинг декабрь ойида бўлиб ўтади. Бу вақтда Тейлор, албатта, дунёдаги энг бой қизга айланади.

Грета Гервиг — энг бой аёл режиссёр

“Барби” фильми 2023 йилда катта шов-шувга сабаб бўлди. У барча рейтингларни портлатиб юборди. Натижада фильм бутун дунё бўйлаб 1 миллиард доллар йиғди. Грета Гервиг эса бундай муваффақиятга эришган биринчи аёл режиссёрга айланди. Айтганча, бунинг учун унга атиги 3 ҳафта керак бўлди.

Жеймс Кэмерон — энг чуқур шўнғиш

Режиссёр Жеймс Кэмерон 8166 метрга якка ўзи шўнғиган. Бу воқеа Соломон денгизидаги Янги Гвинея ороли яқинида содир бўлади. Жеймсдан олдин ҳеч ким бунчалик чуқурликка шўнғишга журъат этмаган. Кэмеронни тажрибали ғаввос деб аташ мумкин, чунки у сувда суратга олишни яхши кўради.

Женнифер Лоуренс — энг кўп маош оладиган актриса

“Ҳаёт-мамот ўйинлари”да иштирок этиш Женнифер Лоуренс карьерасида бурилиш нуқтаси бўлди. 2014 йилда у энг кўп маош олувчи актриса сифатида тан олинган. Лоуренс ҳатто Скарлетт Йоханссон ва Шарлиз Теронни ҳам ортда қолдира олди.

Снуп Догг — энг катта коктейль

Реппер ўзининг улкан Paradise коктейли туфайли Гиннеснинг рекордлар китобига кирган. Коктейлнинг ҳажми 500 литр эди. Ичимликни охиригача ичиш учун бир неча кун керак бўлади. Уни тайёрлаш пайтида Снуп Догг ўзининг “Gin and Juice” трекидан илҳомланган.

Жаред Лето — Joker ролини икки марта ўйнаган биринчи актёр

Жаред Летонинг ижроси қанчалик танқид қилинмасин, у Joker образини икки марта ўйнашга муваффақ бўлган ягона актёр ҳисобланади. Жек Николсон, Ҳит Лежер ва унинг бошқа ҳамкасблари Бэтменнинг рақибини фақат бир марта ўйнаган. Лето иккита фильмда иштирок этган: “Худкушлар гуруҳи” ва “Адолат лигаси”. Албатта, худди шу номдаги фильмда Joker ролини ўйнаган Хоакин Феникс ва унинг давоми ҳақида ҳам унутмаслик керак. Аммо давоми чиққандан кейин у Летодан кейин иккинчи бўлади.