Tumblr 2014 йилда энг оммабоп бўлган машҳурлар рейтингини тузиб чиқди, деб ёзади «Сегодня.ua». Рейтинглар кенг турда тузилиб, энг яхши жониворлардан тортиб, энг қизиқарли блогларни ўз ичига олди.
2014 йилнинг энг яхши қўшиқлари деб Ники Минажнинг Anaconda, «Муз юрак» мультфильмидаги Let It Go, Лана Дел Рейнинг Ultraviolence ва Fall Out Boy гуруҳининг Centuries қўшиқлари тан олинди.
Шу йилда диққат марказида бўлган таниқли актрисалар бешлигига Женнифер Лоуренс, Эмма Уотсон, Шейлин Вудли, Люпита Нионго ва Анжелина Жоли кирган бўлса, Бенедикт Камбербэтч, Том Хиддлстон, Женсен Экклс, Дилан O’Брайен ва Миша Коллинз энг таниқли актёрлар бешлигини ташкил этди.
Энг кўп тилга олинган мусиқий гуруҳлар эса 5 Seconds of Summer, One Direction, Fall Out Boy, All Time Low ва My Chemical Romance бўлди.
Бейонсе, Лана Дел Рей, Жастин Бибер, Тейлор Свифт ва Канье Уэст энг машҳур яккахон қўшиқчилар деб эътироф этилди.
Tumblr ўз ичига кўплаб суратлар, мақолалар, видео ва гиф-расмларни олувчи микроблоглар сервисидир.
Изоҳ (0)