Ҳар қандай одам кундалик фаолияти билан боғлиқ бўлмаган тарзда дам олиш ва стрессдан халос бўлиш йўлини қидиради, машҳурлар ҳам бундан мустасно эмас.
Женнифер Гарнер саксофон чалади
«13 дан 30 гача» фильми юлдузи мактаб йилларидан бери саксофон чалади. Бир марта у оркестр формасини кийиб, Риз Уизерспунни туғилган куни билан табриклаш учун «Happy Birthday» куйини чалиб берган.
Пирс Броснан расм чизади
Пирс Броснан 16 ёшида расм чизишга қизиқиб қолган, ҳатто график дизайнер бўлишни хоҳлаган. Унинг айтишича, биринчи хотини вафот этганда айнан севимли машғулоти ёрдамида ўзини қўлга олган.
Кара Делевин тўқийди
Подиумга навбати келгунча Кара Делевин бажонидил янги машғулоти билан шуғулланади. Модель ва актриса модалар кўргазмасида саҳна ортида тўқиётган суратини ижтимоий тармоқларда баҳам кўрди.
Жонни Депп Barbi қўғирчоқларини коллекция қилади
Бу қизиқишнинг келиб чиқиши актёрнинг қизи билан Barbi ўйнаган вақтлари билан боғлиқ. Аммо кейинчалик қизи қўғирчоқларга қизиқмай қолганда Депп улардан ажралишни хоҳламади: улар ажойиб хотиралар билан боғлиқ эди. Ҳозирда унинг Barbi’лари шунчалик кўпки, уларга алоҳида хона керак.
Кети Перри бошқа машҳурларнинг сочларини йиғади
Кети Перри бошқа машҳурларнинг сочларини коллекция қилишини айтган. Масалан, Тэйлор Свифт ва Майли Сайрус каби. Энг ҳайратланарлиси шундаки, у машғулоти ғалати эканини тушунади, лекин барибир буни ажойиб деб ҳисоблайди.
Тэйлор Свифт қорли шарчалар ясайди
Тэйлор Свифт қорли шарчалар ясашни яхши кўради. «Lover» клипидаги қорли шарчани ҳам ўзи ясаган.
Майк Тайсон каптар боқади
Майк Тайсон болалигидан каптарларни яхши кўрарди, ҳозир эса унинг мингдан ортиқ қушлари бор. Тайсоннинг айтишича, кабутарлар бизга кўп нарсаларни ўргатади.
Кендалл Женнер қушларнинг овозига тақлид қилади
Бу шунчаки севимли машғулот эмас, балки ҳақиқий истеъдоддир: Кендалл Женнер қушларнинг товушларига шунчалик ҳайратланарли тарзда тақлид қиладики, атрофингизни қушлар галаси ўраб олган деб ўйлашингиз мумкин.
Бейонсе асаларичилик билан шуғулланади
Бейонсе кучли аллергияга чалинган қизига ёрдам бериши мумкин бўлган асал учун асалари боқишни бошлади. Аммо тез орада бу унинг севимли машғулотига айланди. Ҳозир унинг 80 мингга яқин асалариси ва 2 та уяси бор.
Том Хэнкс эски ёзув машинкаларини йиғади
Том уларни машҳур бўлишидан олдин йиғишни бошлаган. Ҳозир унинг коллекциясида 120 га яқин ёзув машинкаси бор.
Клаудия Шиффер ҳашаротларни коллекция қилади
Машҳур моделнинг коллекция қилишини эшитганимизда, сумкалар, кийим-кечак, аксессуарлар ва бошқалар деб ўйлаган эдик. Аммо булар Клаудияга тааллуқли эмас. У ҳашаротларни, хусусан, ўргимчакларни коллекция қилади.
Николас Кейж қасрлар ва динозаврларнинг бош суякларини йиғади
Кейж пулни ўйламай сарфлаши оқибатида қасрлар ва ҳатто динозаврнинг бош суягини сотиб олган. У бу борада Леонардо Ди Каприони ҳам ортда қолдирди, бироқ охир-оқибат бош суякни Мўғулистонга қайтаришга мажбур бўлди.
Мила Кунис видеоўйинлар ўйнайди
Мила видеоўйинларни, айниқса Call оf Duty ва World of Warcraft ўйнашни яхши кўради. У ҳатто World of Warcraft’даги бир нечта гильдияларнинг аъзоси бўлган. Мухлиси унинг овозидан таниб қолганида эса гильдиялардан бирини тарк этишга мажбур бўлган.
Изоҳ (0)