Кўплаб машҳурларнинг карьера тарихига назар ташласак, улар юлдузлик даражасига етиши учун омадли воқеалар ҳамда узоқ йиллик меҳнат орқали эришганига гувоҳи бўламиз. Улар ўз истеъдоди туфайли қашшоқликдан қутулган. Аммо болаликдан бадавлат оилада туғилиб, молиявий тарафдан доим қўллаб-қувватлаб келинган машҳурлар ҳам йўқ эмас. Қуйида ҳашаматли шарт-шароитларда вояга етган ва оилавий бойликларини мустаҳкамлашда давом этиб келаётган юлдузлар ҳақида сўзлашамиз.
Тейлор Свифт
Хонанда арча етиштириладиган фермада туғилиб ўсган ва унинг ота-онаси қизига истаган нарсалари билан таъминлаш учун етарли маблағга эга бўлган. Унинг отаси Merill-Lynch компаниясида молиявий маслаҳатчи, онаси эса инвестиция фондида маркетинг бўйича менежер бўлиб ишлаган.
Адам Левин
Америкалик актёр, Маrооn 5 гуруҳи вокалисти ва гитарачиси Адам Левин Лос-Анжелесда туғилган ва Брентвуддаги нуфузли хусусий мактабда ўқиган. Дарҳақиқат, у айнан шу мактабда Маrооn 5 нинг бошқа аъзолари билан танишган. Унинг отаси Фред Левин чакана савдо тармоғи асосчиси сифатида муваффақиятли тадбиркор бўлган.
Ариана Гранде
Ариананинг отаси Эдвард Бутера тадбиркор бўлиб, у Ibi Designs Edvard Butera номли график дизайн компаниясига асос солган. Ҳозирда унинг мижозлари орасида кўплаб машҳурлар ҳам бор.
Леди Гага
Хонанда Леди Гаганинг отаси Жозеф Дерманотта келиб чиқиши италиялик бўлиб, Манхеттеннинг нуфузли интернет тадбиркори сифатида танилган. У меҳмонхона тармоқларига Wi-Fi ўрнатиш хизматларини кўрсатадиган бизнесни йўлга қўйган.
Линдси Лоҳан
Америкалик актриса Линдси Лоҳаннинг отаси Уолл стритда муваффақиятли савдогар бўлган. У бир неча бор фильмларда ҳам суратга тушгани қизига асқатган.
Эдвард Нортон
Эдвард Нортон бобоси Жеймс Роузнинг улкан муваффақияти туфайли ташвишсиз ҳаёт кечирган. Жеймс президентнинг “Озодлик” медали соҳиби бўлган, у бинолар қурилиши, шаҳарни муҳандислик жиҳатдан режалаштириш билан шуғулланган. Шунингдек, актёрнинг бобоси бутун мамлакат бўйлаб арзон турар жой билан таъминловчи Rouse Foundation нотижорат ташкилотига асос солган.
PSY
Ҳақиқий исми Пак Чесан бўлган кореялик хонанданинг отаси яримўтказгич ускуналарини ишлаб чиқарувчи DI корпорациясининг ижрочи директоридир. Онаси эса Сеулдаги қимматбаҳо ресторанни бошқаради.
Белла ва Жижи Ҳадид
Опа-сингил Белла ва Жижи Ҳадид дунёдаги энг бой оилалардан биридан чиққан моделлар. Уларнинг отаси миллиардер Муҳаммад Ҳадид қурилиш компанияси директори ва собиқ Олимпия ўйинлари чемпионидир.
Майли Сайрус
Актёр ва мусиқачи Билли Рей қизига катта ёрдам берган. У Майлига вокалдан дарс беради, куйлар басталайди, ота ва қиз бир неча йил давомида Disney каналидаги “Ҳанна Монтана” сериалида бирга рол ўйнашади ва шу орқали нафақат АҚШ, балки кўплаб Европа ва Осиё мамлакатларида танилади.
Эд Ширан
Хонанда ва бир нечта қўшиқлар муаллифи Эд Ширан ижодкорлар оиласида ўсган. Унинг отаси Жон санъат тарихидан дарс берган, онаси эса заргарлик буюмлари дизайнери бўлган. Улар биргаликда йигирма йил давомида фаолият юритиб келаётган Sheeran Lock консалтинг компаниясини бошқарган.
Изоҳ (0)