Айрим нарсалар ҳеч қачон ўзгармайди: машҳурларнинг опа-укалари билан тушган суратлари

Олиб борилган тадқиқотга кўра, 11 ёшга келиб, болалар бўш вақтларининг тахминан 33 фоизини опа-синглиси ва ака-укаси билан ўтказади. Бу ота-она, дўстлар, ўқитувчилар ва ҳатто ёлғиз қолишдан ҳам кўра кўпроқ фоизни ташкил этади. Улар билан ҳаётдаги энг кучли муносабат ўрнатилишининг ажабланарли жойи йўқ ва машҳурлар ҳам бундан мустасно эмас. 

Тэйлор ва Остин Свифт

Тэйлор Свифтнинг укаси 29 ёшда. У коллежда кино соҳасида таҳсил олган. 2016 йилда Остин «Сунъий интеллект. Чекланмаган кириш» триллерида актёрлик дебютини қилди ва ўша йили у Бен Аффлекнинг «Тун қонуни» фильмида ҳам рол ижро этди.

Пенелопа ва Моника Круз

Моника Круз — актриса, раққоса ва дизайнер. 2007 йилда у синглиси Пенелопа билан биргаликда испаниялик Манго ретейлери учун кечки либослар коллекциясини яратди. 2013 йилда Моника Антонелла исмли қизини дунёга келтирди.

Жессика ва Жошуа Альба

Жошуа Альба 18 ёшида опаси билан «Қора фаришта» телесериалида иштирок этган. Бунгача у Tommy Hilfiger, Sketchers ва Teen Magazine каби компанияларда модель сифатида ишлаган.

Эмма ва Алекс Уоцон

Алекс Уоцон — модель ҳамда актёр. 2010 йилда у опаси Эмма билан бирга Burberry фотосессиясида иштирок этди. Шунингдек, у Пикси Лоттнинг клипида рол ўйнаган.

Никол ва Антония Кидман

Антония журналист ва телебошловчи сифатида ишлайди. У икки марта АSTRА  мукофотини қўлга киритган. У Австралияда болалари ҳамда турмуш ўртоғи Крейг билан яшайди.

Жизел Бюндхен ва унинг эгизак опаси Патрисия 

Патрисия ва Жизел аслида эгизак бўлса-да, оддий опа-сингилларга ўхшайди. Патрисия унинг менежери ва расмий вакили сифатида Жизел билан яқиндан ҳамкорлик қилади. У айни пайтда Жизелга тегишли бўлган компанияда ҳам ишлайди.

Мери-Кейт ва Эшли Ольсен

Ольсен эгизак опа-сингиллар ўзларининг энг машҳур ролларини бираликда ўйнаган. Кейинчалик Мери-Кейт ва Эшлининг модага қизиқиши ортди ва улар биргаликда 2006 йилда The Row лейблини ишга туширди.

Жулианна ва Дерек Хаф

Дерек Хаф профессионал раққос, хореограф, актёр ва қўшиқчидир. У ҳамкасблари билан Dancing with the Stars лойиҳасида 6 марта ғалаба қозониб, рекорд ўрнатди.

Деми Ловато ва Медисон Де Ла Гарза

Медисон Де Ла Гарза «Умидсиз уй бекалари» фильмидаги Хуанита Солис роли билан машҳур. У, шунингдек, қўшиқчи Деми Ловатонинг кенжа синглиси.

Кейли ва Бриана Куоко

Бриана Куоко 33 ёшда ва у актриса. У Кайли билан биргаликда «Борт хизматчиси» телесериалида суратга тушган.

Анжелина Жоли ва Жеймс Хейвен

Жеймс Хейвен худди синглиси каби актёр ва продюсер. У Анжелина Жоли бош ролни ўйнаган бир нечта фильмларда  кичик ролларни ўйнаган, масалан, «Жиа» фильмида.