Пол Маккартни Тейлор Свифт концертида унинг мухлислари билан рақсга тушди (видео)

Америкалик хонанда ва бастакор, The Beatles гуруҳининг собиқ аъзоси Пол Маккартни 23 июнь, якшанба куни Лондонда бўлиб ўтган Тейлор Свифтнинг концертига ташриф буюрди. Маккартни концерт залида мухлислар учун ажратилган VIP зонада шоуни томоша қилди.

Свифтнинг сўнгги альбомидан ўрин олган “But Daddy I Love U” қўшиғи остида Маккартни фанатлар билан бирга рақсга тушиб, мухлисларини хурсанд қилди. Уларнинг видеоси ижтимоий тармоқларда тез орада тарқалиб кетди. Видеотасвирда Маккартни қўшиқ хиргойи қилиб рақс тушгани акс этган.

https://x.com/camdenswiftt/status/1804965187750867176

Яна бир видеода The Beatles юлдузи мухлислари билан илиқ саломлашаётгани ва камерага қарата қўл силкитгани кўрсатилган.

https://x.com/kingofnatsheart/status/1804929015020437622

Америкалик поп ва кантри мусиқа юлдузи Тейлор Свифт Лондондаги Уэмбли стадионида учта концерт берди. “Тhе Eras Tour” гастрол концертининг навбатдаги қисми бошқа машҳурлар ҳам меҳмон бўлишди.

Аввалроқ, 21 июнь куни Буюк Британия қироли Чарльз III нинг ўғли шаҳзода Уилям ўзининг туғилган кунида мазкур концертга фарзандлари билан ташриф буюрди.

Шунингдек, Грета Гервиг, Том Круз, Эштон Кутчер ва Мила Кунис каби юлдузлар концертда хонанданинг “Шаке ит офф” хит қўшиғига рақсга тушишди.