Совғалар олиш ёқимли, аммо ҳадя кумири томонидан берилганда янада мароқли. Кўплаб машҳурлар мухлисларини хурсанд қилиш учун вақт ва пулини аямайди.
Тейлор Свифт
Дугоналар Эмили Хант ва Бонни Ребекка тез-тез Тейлор Свифт ижодини ёритадиган видеолар суратга олади. Яқиндагина қўшиқчи отаси Скотт билан қизларга сюрприз уюштиради. Тейлор уларга хат ёзиб, конверт ичига Мелбурнда ўтадиган концерт учун VIP чипталарни қўшиб юборади.
Жўнатмани Скоттнинг шахсан ўзи келиб топшириб, Эмили ва Боннини ҳайратда қолдирган. Бундан ташқари, Тейлорнинг отаси улар билан чой ичган ва қизларга медиаторлар совға қилган.
Рианна
Италияга саёҳати пайтида хонанданинг олдига бир гуруҳ ёшлар келиб қолган. Рианна автомобиль ичида бўлгани учун мухлислари ойнадан улар билан селфи тушишини сўраган. Мухлисларини ҳайратда қолдирган ҳолда хонанда эшикни очиб, ҳаммаларини машинага таклиф қилган. Кейин улар шундай кўп суратлар тушгандики, бутун бир альбомга етади.
Дуэйн Жонсон
Дуэйн Жонсон билан бўлган кутилмаган учрашув сабаб томошабинлар ҳушидан кетишларига сал қолади. Мадам Тюссо музейида бир гуруҳ одамлар актёрнинг мумдан ясалган ҳайкали билан суратга тушишга таклиф қилинади. Улар суратга тушаётганда актёр орқа томондан чиқиб келади.
Бен Аффлек
Бен Аффлек Dunkin Donuts ресторанлар тармоғидаги донатларни жуда яхши кўради. Бир марта у бир кун бўлса-да, ушбу муассасада ишлаган. Бен фартук тақиб, реклама суратга олиш учун буюртма пештахтаси ортида туради. Қаҳвахонага ташриф буюрувчилар Аффлекнинг шахсан ўзи уларга хизмат кўрсатишини кутмаганди.
Кайли Женнер
Бен Аффлек донат сотган бўлса, Кайли Женнер гид сифатида ишлаган. Кайли обуначисига уйини кўрсатади ва у билан фотосессия уюштиради. Шундан сўнг Кайли қиз ва унинг онасига совға сифатида иккита катта қути беради. Қутида эса нақ 100 минг доллар бор эди — бундай сюрпризни фақат орзу қилиш мумкин.
Изоҳ (0)