Кўпгина машҳурлар ўз қоматига, ташқи кўринишига алоҳида эътибор қаратади. Бироқ касбий фаолият билан боғлиқ айрим ҳолатлар: тез-тез гастрол сафарларида бўлиш, концерт дастурларида иштирок этиш уларда соғлиғи билан боғлиқ муаммоларни ҳам келтириб чиқариши мумкин. The Voice нашри дунёга машҳур хонандалар ўз концерт дастурига қандай тайёргарлик кўриши ҳақида маълумот берди.
Селена Гомес
Хонанда сабзавот ва оқсилли коктейлни жуда яхши кўради. Унинг севимли таомларимдан бири — сабзавотли жигарранг гуруч, авокадо, шунингдек, грейпфуртли товуқ филесидан тайёрланган салат. Селена Гомес кўп сув ва кўк чой ичади, унинг менежери эса ичимликлар тугаб қолмаслигига жавобгар ҳисобланади.
Деми Ловато
Хонанда спиртли ичимликларни истеъмол қилишни тўхтатмоқчи бўлган ёки ҳаётини яхшилашни истаган инсонлар учун бепул психотерапия машғулотларини ўтказади. Бошқаларга ёрдам бериш унга энергия беради.
Деми спорт билан шуғулланишни яхши кўради: “Мен концертни машғулотим деб ҳисоблайман, бошқа кунларда эрталаб ва кечқурун иккита кичик машғулот ўтказаман”, — дейди хонанда.
Бритни Спирс
Бритни Спирс дастлаб меҳмонхоналарга кўникиш муаммосини бошдан кечирди: “Улар орасида ҳаракат қилиш учун, ҳар куни икки соат йога билан шуғулланаман ва бу кичик нарсаларга эътибор бермайман”, — дейди хонанда.
Бейонсе
Хонанда саҳнада ўзини яхши ҳис қилиши ва чарчамаслиги учун югуришни, бокс билан шуғулланишни яхши кўради. Бундан ташқари, мураббийнинг сўзларига кўра, стретчинг унга жуда ёрдам беради. Машқдан сўнг, Бейонсе оқсил кукуни, исмалоқ, резавор мевалар ва кокос сутидан тайёрланадиган ичимликни ичади.
Леди Гага
Хонанда концерт гастроллари давомида тўғри овқатланишга риоя қилишни ёқтиради, у сабзавотли чипслар, тофу, курка гўштини истеъмол қилади ва кокос сувини ичади. Леди Гага концерт олдидан бир стакан оқ шароб ичиши мумкин. Хонанда қоматини сақлаб қолиш учун қувватлантирувчи машқлар ва ТРХ машғулотлари билан шуғулланишни яхши кўради.
Пинк
Хонанда Пинк тур давомида кокос суви, авокадо, резавор мевалар ва зиғир уруғи ёғи билан сметана ичади. У ҳам тўғри овқатланишга риоя қилади.
Шунингдек хонанда жуда кўп машқ қилади: “Концертларим жисмоний куч талаб қилади ва гастрол давомида мен ҳафтасига беш марта машқ қиламан. Намойишдан олдин раққослар билан бир соатлик кардиомашқлар ва ёга билан шуғулланаман. Ҳа, бу жуда кўп. Баъзан ўзимни спортчиман деб ўйлайман”, — дейди хонанда.
Женнифер Лопез
Хонанда машғулотларни яхши кўради ва барча мушакларини ишлатишга ҳаракат қилади. Женнифер Лопез тўғри овқатланишга риоя қилади ва овқатланиш тартибини синчковлик билан кузатиб боради. “Спорт билан шуғулланиш ва овқатланадиган нарсаларга эътибор бериш керак. Бу иш”, — дейди хонанда.
Ариана Гранде
Хонанда кунига камида 12 минг қадам кўчада ёки югуриш йўлакчасида пиёда юриш орқали соғлом бўлишга ҳаракат қилади. Ариананинг айтишича, у учун бу бошқа машқларга қараганда самаралироқ. Хонанда овқатланишига эътибор беради. У ҳам вегетариан ҳисобланади.
Тейлор Свифт
Хонанда югуришни яхши кўради ва турларда иштирок этаётган вақт ўша шаҳардаги фитнес клубига боришга ҳаракат қилади. У иш кунларида тўғри овқатланишга ҳаракат қилади ва дам олиш кунларида дам олади: “Мен бургер, фри, музқаймоқ, печене ва умуман ҳар қандай ширинликларни тайёрлашни яхши кўраман”, — дейди хонанда.
Керри Андервуд
Хонанданинг алоҳида мобил спорт зали бор. Бу ерда югуриш йўлакчаси, эллиптик, оёқ пресси, гимнастика скамейкаси, штангалар ва бошқа жиҳозлар ўрнатилган. Мураббийнинг айтишича, хонанда сакраш ва боксни яхши кўради.
Бундан ташқари, у овқатланиш бўйича кундалик юритади: “Мен жуда кўп овқатлана оламан, шунинг учун парҳезимни кузатишим керак”, — дейди хонанда. Керри ҳам вегетариан.
Изоҳ (0)